Por fin llegó a les tiendes el minilaptop de Dell Mini 9 pol que llevo nagüando 6 meses.
Les primeres impresiones nun pueden ser meyores 😀

Les característiques pricipales son: Un pesu de 1 Kg, procesador a 1,6GHz, 8.9″ de pantalla cola resolución de 1024×600, Ubuntu MID 8.04.1 preinstaláu 😉 8 Gb de discu duru SDD, batería de 4 celdes qu’ufierta unes 4 hores con un brillu normal (dicir que’l brillu másimu ye pa la mio opinión demasiau brillu 😉 asina que baxolo)…

Como sorpresa atopo un llanzador d’aplicaciones de Dell que simplifica más tovía si cabe l’usu d’Ubuntu, siendo xenial pa xente mayor, y que puedes camudar fácilmente al escritoriu por defectu d’Ubuntu.
Tamién si calques la tecla de Windows nel tecláu, masimiza l’aplicación qu’heba nesi momentu, quitando-y el decoráu de la ventana y faciendola lo más grande posible pa aprovechar la pequeña pantalla.

Ubuntu arrancando en namás que 31 segundos ¡sí! ¡cómo lo oyes! Ta totalmente operativu en 31 segundos.
Los repositorios propios de Dell, onde atopamos toles aplicaciones, ente los que tener verdaderos pesos pesaos como Virtualbox, Eclipse, poedit, Firefox…
El tecláu perpequeñu pemite bastante velocidá, aunque sigo lliándome un poco cola mayúscula de la drecha y flecha arriba que tan xuntes y son piquiñines 😉 Too será acostumbrase.
3 Puertos USB, Wifi y Bluetooth integraos, y con salida a pantalla esterna.
Tamién tien pa tarxetes SD, MS/Pro, MMC, colo que si vas de viaxe ya sabes onde descargar les semeyes de la cámara 😉
Tamién incluye webcam que tien una resolución perbona (creo que 1,3 Mb).
El modelu ye percompactu, aparentando mui robustu.
Tamién tien pa escoyer la llingua 😉 ente les que se incluye l’asturianu 😀

Dicir que Dell sólo vende na so web (318€+29€ d’unvíu), y qu’atopelu nel Carrefour por 299€ ¡un chollu!

Con esti minilaptop vense perbien les semeyes, los videos de pelis y series, el soníu pol altavoz ye mui bono. La pantalla vese perbien, y Ubuntu queda-y como un guante al poder camudar fácilmente’l tamañu de les lletres dende “Apariencia”, yo xubila de 10 a 12 puntos pa velo meyor tovía con lletres tan grandes como’l sobremesa 😛 Tien toles aplicaciones d’Ubuntu Hardy Heron preinstalaes y dalgunes más que-y amestó Dell dende los repositorios.

Como desventaxes, nun tien Compiz y les lletres Ñ y mayúscules drecha podríen haber sido más grandes.

Equí podeis ver una semeya a tamañu real (dependerá de la vuestra resolución el tamañu na que la veais):

Notase que lo ficieron diseñadores que saben muncho d’ergonomía y lo que quier un usuariu esixente. Y na fabricación mantuvieronlo de manera implecable.
Asina que si tas camentando en mercar un minilaptop, que tan de moda 😉 ya sabes la mio recomendación.

Nota: Dientro unes selmanes saldrá tamién el de HP 2133, tamién con Ubuntu 8.04, siendo estos 2 los únicos que lo llevaran preinstaláu nel mercáu (per agora), pero’l so preciu dispararase unos 100€ más, aunque tamién llevará unos 80Gb de discu duru como ventaxa principal.

El por qué analizo esti minilaptop ye porque Dell ye de los pocos fabricantes que tan dando un guiñu a Ubuntu, preinstalándolu, y parezme qu’eso ye perloable, y pa sofitalo 🙂 Tamién parez que’l dueñu de Dell, Michael Dell usa Ubuntu a nivel personal nel so laptop 😀 Y tamién porque merquelu y igual a dalgún interesa-y esta opinión personal mia 🙂

Cola entrada automática en GNOME, dalgunes aplicaciones requieren les claves que’l sistema tien almacenaes. Polo que según la nuestra configuración, por seguridá puede qu’aplicaciones como Evolution, Xestor de Rede… nos pida la contraseña del Aniellu de contraseñes predeterminaes en cada sesión. Esto ye porque Ubuntu almacena les distintes claves nun depósitu d’un programa, y por seguridá necesita que demostremos que somos los alministradores p’acceder a elles. Cuando entramos cola nuestra cuenta desbloqueamos el depósitu login, que ye onde tan les contraseñes.
Si te molesta que t’entruge la contraseña, crearemos otru depósitu que sustituye el del login, pero ensín que necesite la nuestra autorización.

N’Intrepid Ibex:
Dir a Aplicaciones > Accesorios > Contraseñes y claves de cifráu > Editar > Preferencies
Una vez abierto, calca en login y Desaniciar depósitu, confirmamos el desanicíu.

Agora amestamos-y una nueva, calcando en Amestar un depósitu: Nell ventanu pidiendo un nome pal nuevu depósitu escribimos login, al calcar en Amestar pídenos les contraseñes y calcamos en Aceutar, dexándoles vacíes, y confirmando que les dexaremos ensín encriptar.

Ya non entrugará más peles contraseñes del Aniellu 😀

Pa Hardy, echa un vistazu equí.

Nel artículu de Dangerous Piper pa personalizar Rhythmbox, quedó un poco atapecío cómo escuchar Radiu Sele per esti reproductor.

Asina que remembrovos cómo facelo 🙂

Calcamos col botón derechu onde diz “Radio” nel menú a manzorga, y calcamos “Nueva estación de radio n’internet…”, abriráse entós un ventanu pidiendo la url de la emisora, nesti casu http://bach.serveisweb.com/RA163 y calcamos “Amestar”. Yá sal nel llistáu pero’l nome ye la url, pa camudalo calcamos col botón drechu y escoyemos “Propiedaes” nel ventanu que sal podemos camudar la opción “Titulu”, y llistu. Pa reproducir calcamos dos vegaes en “Radio Sele” (o’l nome que-y punxeras).

La noticia del añu: Gmail incluye videuconferencia…

pero ¿cómo non?…

¡Gracies Google por tenenos en cuenta… cómo siempre (Gtalk, Chrome, Videuconferencia…)! :@

Perinteresante opción n’Ubuntu 8.10 de tener a nivel d’usuariu una carpeta encriptada a salvo de cualisquier intromisión 😀

Lo que guardemos n’ella quedará protexío por una contraseña, y ni con privilexos d’usuariu podrá vese.

Pero si guetamosla nun l’atopamos…  ?:O

Pa ello necesitamos istalar un paquete 😉

Dende la Terminal:

sudo apt-get install ecryptfs-utils

Y pa configurar la contraseña:

ecryptfs-setup-private

Reiniciamos la nuestra sesión, y tendremos nel nuestru Home una carpeta Private cuyo conteníu será encriptáu 😀

Pa desencriptar esta carpeta tenemos 2 métodos:

1. Abrir con doble click el ficheru “Access Your Private Data” que ta dientro esa carpeta.
2. Executar na terminal esti comandu: ecryptfs-mount-private

N’ambos introduciremos la nuestra contraseña pa desencriptar que pusimos anantes 🙂

Refrescamos con F5 el restolador de ficheros, ya nun tarán los 2 ficheros anteriores y ya veremos los nuestros ficheros encriptaos 😉

Perinteresante opción esti depósitu de material y recursos pa les iniciatives de la comunidá d’Ubuntu 🙂

P’actualizar un sólo ordenador, lo más cenciello ye abrir el xestor d’actualizaciones, y que baxe l’anovamientu 😀

Pero si tienes que facelo offline nun puedes,  o en varios baxar 900 megues en cada un ye cansino. Lo meyor n’esti casu ye descarga la versión “alternate” y grabar esa imaxe .iso nun USB.

Nun duldes en lleer toles posibilidaes nes istrucciones oficiales d’Ubuntu p’actualizar 😀

Ayer Softastur fizó per primer vegada una Install Party n’asturianu.

Perinteresante fue atopase en persona con munchos del equipu que tan tornando Ubuntu a la nuestra llingua y ponenos unos a otros cares y nomes 😀 ¡Gracies por asistir! 😉

Tamién istalar GNU/Linux a quienes vinieron col ordenador, y esperar que descubran un mundiu inabarcable de llibertá, coles ventaxes que conlleva 😉 Primordialmente’l tecláu asturianu y la llingua de nos. ¡Gracies por atrevevos a dar el saltu! 😀

Dexamosvos les semeyes 😉 Tamién podreis venos na TPA nel prósimu programa de “Nós” 😉

(más…)

Si quies probar más temes fechos pola comunidá pa la versión d’Intrepid puedes istalalos dende la terminal:
sudo aptitude install community-themes

Añadirate temes como esti:

L’editor de videu Cinelerra, nun apaez nos repositorios d’Ubuntu. Pero podemos instalar facilmente Cinelerra Comunity Version (que ye la versión prestosa). Lo primero que vamos facer ye amestar un repositoriu nuevu con esti códigu dende la terminal:

$ echo deb http://akirad.cinelerra.org akirad-intrepid main | sudo tee /etc/apt/sources.list.d/akirad.list && wget -q http://akirad.cinelerra.org/dists/akirad.key -O- | sudo apt-key add – && sudo apt-get update

Y agora pa instalar tenemos delles opciones:

Si el funciones con arquitectures x86 o x86_64 ensin soporte opengl

$ sudo aptitude install cinelerra

Si trabayes con x86 o x86_64 pero si tienes una tarxeta con opengl

$ sudo aptitude install cinelerra-generic

Si trabayes con amd32 ensin opengl

$ sudo aptitude install cinelerra-k7

Si tienes amd32 con opengl

$ sudo aptitude install cinelerra-k7gl

Y si tienes amd k8 con opengl

$ sudo aptitude install cinelerra-k8

Amás tamién puede amestar nueves transiciones con

$ sudo aptitude install cinelerra-swtc

Cinelerra ye un editor pa usuarios avanzaos, si quies facer coses sencilles nos repositorios d’Ubuntu dispones d’editores más fáciles d’usar como PiTiVi o Kino.