Güei tocome poner Rhythmbox, el reproductor de música que trae la instalación d’Ubuntu. El programa vien preparáu pa lleer la música dende la carpeta Music que apaez nel nuesu direutoriu d’usuariu, pero yo tengo tola música nun servidor y comparto la carpeta por NFS, entós lo primero que fice foi cambiar la ruta al direutoriu onde tengo la música almacenada. Abrimos Rhythmbox y vamos a Editar/Preferencies y calcamos na pestaña música. Equí podemos cambiar la ruta onde tengamos la música y yo de paso marqué que me busque ficheros nuevos que vaya metiendo na carpeta.

Lo segundu que fice foi configurar el mio reproductor de música portatil, lo normal ye que lo detecte de secute, pero nel mi casu ye un reproductor que usa un protoculu raru, en concretu MTP, ye un Samsung YP-U3J. Merquelu porque amás de mp3 reproduz vorbis, formatu que uso bastante. Bono ye bien fácil, voi a Editar/Plugins y activé’l plugin “Portable Players – MTP” y de pasu desactivé’l “Magantune Store” porque nun lo uso y activé “Minimize to tray” pa que al zarra el programa quede reproduciendo na barra del escritoriu.

Agora pa que detecte el reproductor editamos el ficheru /etc/udev/rules.d/libmtp.rules pa poder facelu abrimos una terminal y escribimos:

$sudo gedit /etc/udev/rules.d/libmtp.rules

y copiamos el siguiente códigu (este ye pa Samsung YP-U3J, pa otros buscar modelu+libmtp.rules en google ;-p)

#Samsung YP-U3J
SYSFS{idVendor}==”04e8″, SYSFS{idProduct}==”507d”, SYMLINK+=”libmtp-%k”, MODE=”666″

Reaniciamos Rhythmbox y cuando enchufemos el nueso reproductor ya lo veremos a manzorga pudiendo amestar, quitar y reproducir música…

Pa rematar la cosa, vamos amestar Radio Sele a la llista d’emisores d’internet, en mi casa sientese bastante mal y nun me queda otra que tirar d’internet. Anque puede sentise direutamente dende la web de Radio Sele pa mi ye más cómodu usar Rhythmbox. Calcamos col botón derechu onde diz “Radio” nel menú a manzorga, y calcamos “Nueva estación de radio n’internet…”, abriráse entós un ventanu pidiendo la url de la emisora, nesti casu http://bach.serveisweb.com/RA163 y calcamos “Amestar”. Yá sal nel llistáu pero el nome ye la url, pa cambialo calcamos col botón derechu y escoyemos “Propiedaes” nel ventanu que sal podemos cambiar la opción “Titulu”, y llistu. Pa reproducir calcamos dos vences en “Radio Sele” (o el nome que-y punxeras).

Dende El Replicante atopamos estes perinteresantes pantalles de login pa GNU/Linux. ¡Perguapes!

“¿O vais dicime que non?” 😉

Los que tenemos tarxetes grafiques vieyes, nel mi casu una GeForce2 con 32 mb que compré fai 8 años, encontramonos con que la nueva versión de xorg (servidor gráficu) que trae Ubuntu Intrepid ye incompatible col driver de nvidia pa esti tipu de tarxetes. Por suerte nvidia sacó una beta de los drivers pa esta serie de tarxetes que si funcionen cola nueva versión de xorg y Alberto Milone unvio un parche cola nueva beta, nun futuru tará disponible nos repositorios, pero los que nun podeis esperar (como yo) podeis aplicalo vosotros mesmos. Esto funcionome a mi, pero puede que a ti non, si nun tas mui seguru meyor espera a que anoven de los repositorios…

(más…)

Nautilus recueye n’esta versión 2 meyores persolicitaes y perbones:

• Pestañes.
• Nueva vista compauta.

Pa usar ḷḷ y ḥ n’Intrepid Ibex nos tos escritos, ye asina de cenciello: Calques la tecla AltGr + h ó l.

Remembra que pa poder facelo tienes que configurar el tecláu cola variante asturiana 😉

Ilusión porque paez mentira que pasara tanto tiempu, y que lo que fai 5 años parecia una odisea imposible güei ye una realidá, tener un sistema operativu que funcione n’asturianu… cinco años dan pa munches cosines, munchu trabayu y sobre too muncha xente, xente qu’agora xenera y tien ilusión por que d’un añu p’acá la meyora cualitativa y cuantitativá del proyeutu foi impresionante.

Too esto qu’entamó con Mozilla 1.0 (güei SeaMonkey) na que foi la segunda traducción espublizada d’esta suite d’aplicaciones d’internet (depués del chinu y por supuestu del inglés), ta convirtiendose nuna realidá palpable. El fechu de que n’esti añu consiguieramos el soporte definitivu pal asturianu en GNU/Linux, el rescate de vieyos proyeutos bandera como Firefox o Abiword, conseguir escribir ḥ y ḷḷ dende’l tecláu, el soporte oficial en Gnome, y sobre too el despertar y consilidación d’una comunidá dormida y cansada, gracies a muncha xente con ganes de facer coses y toles sorpreses que tan a puntu de caer, faen que realmente la pallabra qu’anguaño meyor define a los que collaboramos con Softastur seya ilusión…

Esperemos que’l 1 de payares de 2013 sigamos con esta ilusión y celebremos los 10 años del primer repositoriu públicu de Softastur.

Toi acabante d’instalar Intrepid nel pc, como tengo una partición colos datos (el porno y eses coses imprescindibles) desanicie les particiones que usa’l sistema y fice una instalación llimpia. Tengo la costumbre d’instalar siempre en modu testu y la verdá que presta dar con pantalles como esta… 🙂

Bono, casu ye que depués d’instalar col tecláu asturianu y depués d’instalar les traducciones abro el Firefox y NOOOON ta n’inglés… nun se que pasó pero les traducciones d’esti navegador nun s’anovaron pa la nueva versión…

Bono, solución temporal, instala esti plugin nel to firefox, nun lleva más de 2 segundos, reinicies el navegador y yá ta n’asturianu otra vuelta…

Nun me podréis negar l’increible parecíu d’esti paisanu (Astur Paredes) col padre del software llibre…

Red Hat ye una de les empreses pioneres en “vender” un sistema operativu GNU/Linux que lleva’l mesmu nome. Pongo vender ente comines porque lu pues descargar gratuitamente de cualesquier rede p2p ya inclusive dende la páxina web de la empresa (polo menos hai un tiempu nun taba mui escondíu), en realidá lo que venden ye’l soporte que dan a los sos usuarios. El video ye bien prestosu con un mensaxe nidiu “Primero inórente, dempués rinse de ti, más tarde combátente y dempués vences”. ¿Nun tien esto un tastu asemeyáu al casu de la revindicación llingüística?