Xornaes d’Educación y Llingua de Suatea
Softastur collaboró con SUATEA enseñando Edubuntu a los mayestros de primaria y secundaria. Nun cibercentru de Xixón fízose-yos una amuesa de qué ye Edubuntu, y los caberos proyeutos nos que trabaya Softastur en materia d’Educación y Llingua Asturiana.
¿Qué ye Edubuntu?
Edubuntu ye la versión educativa d’Ubuntu. Ye una “recopilación” de programes educativos en Llingua Asturiana dirixíos a escolinos y profesores de Primaria y Secundaria.
Dalgunos de los problemes colos que s’alcuentra’l profesoráu a la hora d’instalar Edubuntu nel centru, ye que los ordenadores tienen siempre Windows preinstaláu. Esto supón un problema, porque non siempre’l Centru da permisu pa instalar otru Sistema Operativu.
- Opción 1- Si’l to Centru te da permisu, pa instalar Edubuntu, ponte en contautu con nós unviándonos un mail, tienes el NUESU COMPROMISU de que vamos echate un gabitu nello.
- Opción 2- Si nun te da permisu, el mou de “saltase” esta restricción ye Virtualizar Edubuntu. Nesti casu, tendremos qu’instalar primero el programa VIRTUALBOX en Windows. Dempués, executaremos Edubuntu usando Virtualbox (tal y comu se vió nel Taller). Pa ello tienes tolos pasos y la imaxe pa baxar de Virtualbox pa virtualizar equí. (Nel casu que lo veas complicao, ponte tamién en contautu con nós equí).
La desventaxa de la segunda opción ye que tamos executando un Sistema Operativu (Edubuntu) dientro de otru (Windows), colo que too dirá más lento, naḿas taremos aprovechando un 40-50% del rendimientu, y puede ser que dalgunes funcionalidaes nun vayan bien. (Siempres ye meyor la opción 1 ). Esperamos que cola presión que vosotros podáis exercer como mayestros, nos centros educativos, vayamos camudando adulces ésti panorama.
¿Por qué debemos usar Software Llibre nes escueles?
Ún de los pilares básicos de la Educación ye l’accesu llibre al conocimientu. Ocultar el conocimientu nunca formó parte de los manuales nin de la ética profesional de los docentes. El software privativu, non sólo ye costosu, sinón que torga l’accesu a esti conocimientu.
El Software llibre permite:
- Adautar los programes a les nueses necesidaes.
- Ye totalmente auditable: l’alumnáu entiende porqué asoceden les coses.
- Usa formatos estándar, totalmente compatibles
- Ta llibre de virus: los virus nun tienen res que facer nos sistemes Linux
- Seguru y fiable. L’alumnu nun puede frañar el sistema nin voluntaria, nin accidentalmente. Los niveles de seguridá del sistema son talos que nun ye preciso reinstalar el software cásique de contino como sí ta asocediendo nes nueses actuales aules d’informática
- Ye de baldre, ensin costu dengún. Comunidaes como la Xunta d’Extremadura y Andalucía, lleven 10 años aplicando los sistemes Linux n’Alministración, y demostrando al restu l’Estáu la total viabilidá d’estos programes, y l’aforru económicu tan grande qu’esto supón.
” […] Ramos ha remarcado que desde hace 10 años en Extremadura se empezó a valorar la utilización de este software, que se completó con la instalación de ordenadores en los colegios en el año 2003, en la que se decidió la instalación del LINEX. Además, ha afirmado que la elección del software libre ha permitido ahorrar a la administración autonómica 30 millones de euros.” Fonte: LinEx.org
Ponémosvos equí los enllaces de los que falamos ayer:
- Pa saber cómo instalar Edubuntu nun ordenador na escuela calca equí.
- Nos próximos díes, (4-5 díes) vamos ellaborar un documentu .pdf con tolos temes y dubies que nos faigais. Agradeceríamos que nos dexéis les vueses entrugues nos comentarios d’esti artículu 😉 pa que les incluyamos toes nel documentu. En cuantes tengamos el documentu fechu, podréis descargávoslu: equí (enllaz desactiváu provisionalmente)
Los mayestros de primaria, col pocu tiempu que teníemos, nun pudieron ver ésti vídeu de Mathew Richard Stallman, presidente de la Free Software Fundation, que desplica (en castellano) la ética que debiera rexir nos Centros Educativos tocante al Software llibre.
Agradecemos abondo a Suatea cuntar con nós, foi una esperiencia mui gratificante 😀 ¡Gracies!
22 de Marzu, 2010 - 12:12
Munches gracies pola presentación y poles erbíes informátiques, too ello perprestoso !
Una entruguina , hai manera de furrular col Edubuntu ensin instalalu , dende un CD o un “llapiceru” de memoria ?
22 de Marzu, 2010 - 13:23
Bones Profe.
Sí, n’Ubuntu too ye posible.
Actualmente pa facer eso, habría que criar un USBLive n’asturianu, pa ellos sigue estes instrucciones (y dexa nel criador d’USB 1GB llibre pa Ubuntu):
http://blogs.altuxa.com/tapaponga/ubuntu-9-10-livecd-nasturianu.html
Una vez arrancáu instala’l paquete Edubuntu-desktop 😉 Y ya tendrás Edubuntu nun llápiz USB.
Pa facelo nun LiveCD tamos mirando cómo facelo.
Alviertote que esi Edubuntu que visteis ye la versión 9.04, y si instales l’actual tien unos cientos de frases desfasaes, taría bien que lo mayestros/es caltuviereis Edubuntu tornáu al 100% 🙂 Nós ufrimonos a sofitavos cualesquier dulda, y enseñavos a tornar y calteneles. Realmente ye perfácil 🙂
Pa cualesquier otra dulda, o si teneis duldes nesta mesma esplicación, avisa-y nos comentarios.
Un saludu 🙂
22 de Marzu, 2010 - 15:02
Tal y como decimos nel artículu, vamos ellaborar un documentu en .pdf con toes estes dubies que plantegáis, y desplicáu pasu por pasu con semeyes d’exemplos. En 4-5 díes tará llistu pa descargar.
Si siguen saliendo duldes, diremos anovando’l documentu con cada una d’elles.
Gracies.
26 de Marzu, 2010 - 03:52
Felicidades mozos! Oye si necesitais ayuda pa’cualquier curso ofrezco mi modesta ayuda. Tengo pendiente desde hace tiempo hacer una pizarra digital con un mando de wii
http://blog.educastur.es/pizarrasdigitales/