Vamos facer una peli d’animación (ensin usar un Mac)
-¡Pero cómo! ¿Diseñáis ensin usar Mac? Oh my God! ¡Qué facéis! Sacrilexu!
Pues sí. Esto mesmo ye lo que proponen facer (y tán faciendo) la xente de Durian Open Movie Project. Y fáenlo con bon xeitu, como podéis ver más abaxo, usando ferramientes como Blender y GIMP.
-“¡Vaaaalgame lo que hace el payo ranger!”
Yá taba yo fartucu d’escuchar la disculpa “namber guán” de tou Maqueru: “Ye que pa diseñar, nun hai res meyor qu’un Mac“. Pues será que namás tamos falando de diseñu camisetes, y el Mac debe tomate la talla, escoyer el color ya imprentales él solucu, porque yo con Gimp, “diseño” de puta madre. Dicho seya de pasu que tolos diseñadores que conozo qu’usen Mac, úsenlo pa eso: pa dibuxinos nes camisetes, carteles d’espicha y dalgún logotipu de páxina web. Hai dalgún que fai hasta montaxes de bodes. Nun fai falta un Mac nin tantu circu. (Habrá dalgún que trabaye en ḥolibud, pero entá nun conozo dengún)
Más bien paezme que na escuela, deprendieron a usar unes ferramientes (non llibres, por ciertu. Menudos artistes.. yá escaecieron aquello de la llibertá), y agora pása-yos como al que deprendió a pescar con marabayu pero nun sabe con guxarapa. Va ser que, Mac queda cool, como les obres artístiques que naide entiende. Si nun les entiendes, nun yes “cool”. Y pa ser cool y artista al empar, hai que tener un Mac. Polo menos los windowseros, pasen d’estes coses. Nun tienen tiempu a elles, lo d’ellos ye pasar el santu día matando y matando virus.
Bono, pues too esto de l’animación nun ye nuevo. Yá fai tiempu que sabemos d’una retafila de pelis d’animación feches con ferramientes de Software llibre, como por exemplu Avatar, la más reciente. Agora, la xente de Durian amuésanos el so trabayu, y ye cosa que podemos ver cásique a la selmana, porque van anovando la so páxina web. Equí vos dexo un trailer de la peli, tenéisla disponible en calidá 1080p HD:
Equí unos minutos del procesu:
La páxina del proyeutu, equí:
Más vídeos fechos con Blender, equí: http://www.blender.org/features-gallery/movies/
13 de Xunetu, 2010 - 18:44
@astur: Vaya repasu das a los maqueros xD Flame en… un, dos, tres…
En serio… fae años había muncha diferencia ente Windows y Mac pa diseñar (nun esistía GNU/Linux), y tamién ye cierto qu’Amiga-yos daba un bon repasu a los 2 n’esos temes superándolos con creces 😉
Agora hai diferencies, pero en temes ESCESIVAMENTE profesionales, ye dicir, un usuariu nuevu, medianu ya incluso avanzáu, tendrá cubiertes les sos necesidaes de diseñu con Mac, Windows y Ubuntu. Eso sí, reconozo qu’un profesional (esos que cobren millones pa un anunciu de la marca X), sí necesitará Photoshop, y ¿por qué? Pues porque va a PAGAR los 3.000€ d’un pincel especial pa Photoshop que ye’l que necesita pa la so obra. Pero un usuariu pa facer un cartelu con Inkscape o GIMP tien cubiertes al 200% les sos necesidaes 🙂 Y puede facelo tanto en Mac, como en Windows como n’Ubuntu. Y equí ye onde tenemos qu’entamar a falar y valorar el conceptu “llibertá” que Dangerous Piper trata perfeutamente n’esti post: http://acurti.es/A3g
Agora qu’en tolos sistemes operativos tenemos los preseos necesarios pa facer cualesquier xera (documentos, internet, diseñu, alministración…), ¿realmente se quier usar un sistema operativu que torga al usuariu les sos llibertaes nel SO software? ¿realmente queremos usar un sistema en llingua castellana o inglesa cuando podemos usalu na nuestra llingua? 😉
Be free, my friend!
13 de Xunetu, 2010 - 20:15
Yá, ya… dexéme llevar porque eso tovía me lo dixo güei un puntu que tien un “estudiu de diseñu”, (cosa rara, porque nin estudia nin tampoco diseña). Lo más importante que fizo ye un diseñu d’interior d’una cocina, y va, y suéltame que “como mac, nun hai nada”. (Encima la cocina ye d’eses minimalistes, con grifos que cuesten 1000 euros, pero cuadraos y con esquines que faen dañu)Yá me ta fartucando la piḥotería esa. Pel momentu, lo único que-y veo a los mac, ye que pagues más.
Pa vosotros la mazana.
14 de Xunetu, 2010 - 00:41
Dos cosas, en la escuela de Arte de Aviles hay un grupo de gente interesada en estas cosadielles, a mi no me lo da solo para dar un curso pero si os apetez montar algo de software libre y diseño voy de cabeza.
Y si sabeis de alquien por aqui que chane de blender toy por organizar un taller que los video tutoriales aburrenme mucho.
Besinos
14 de Xunetu, 2010 - 06:55
Pues yo sí que nun podría davos nin mediu cursu. Lo mío sí que ye realmente diseñu d’andar por casa. En Softastur hai dalguien que pilota bien estes coses, pero tampocu sé si ye como pa dar un cursu. En 1 ó 2 díes dígote daqué. ¿tienes perehí un mail de contautu?
14 de Xunetu, 2010 - 20:28
Voy hablalo con mi colega, ahora tienen una asociación de diseñadores a ver que se puede hacer. Sigo informando!