L’Academia de la Llingua asoleya un cartafueyu pa normalizar la complicada terminoloxía d’Internet ya informática 😉

Milenta gracies pol esfuerzu amosáu 🙂 Esta ye una perbona noticia 😀 y pernecesaria pa nos, y l’equipu de torna d’Ubuntu en Softastur.

Si quies asistir a la presentación: Mañana 14 Ochobre, a les 12 la mañana nel hotel uvieín Principado.

Un grupu de hackers, activistes y músicos asoleyen esta canción fecha con ferramientes llibres: ¡No al canón!

A facela la canción del prósimu branu, cagon ros 😉

Enterome vía Esbilla, qu’esti martes,16 de Setiembre hai un debate sobre la bloguesfera n’asturianu nel Centru de Cultura Antiguu Institutu de Xixón, a les 18,15 hores 🙂

Pa quien nun lo sepa los ULPCs son portátiles de baxu coste, nos que’l fabricante (Asus, HP…) ufierta una tecnoloxía un poco antigua (pero de bona calidá) baxando abondo’l preciu y tamañu físicu d’un portátil.

Un exemplu ye qu’un portátil d’Asus (que tovía nun llegó a España) valdría unos 300€, mientres un portátil d’esi tamañu físicu val sobre 1200€.

Pa facer esto’l fabricante, como dicía, pon unos componentes que nun son la última moda. 1/2 Giga de RAM, 4 Gigas de discu duru internu, 800Mhz procesador… etc.

¿Llimitao? ¡Non! Calidá/preciu ye perinteresante. Y tema que nos interesa: Nun suelen ser máquines adecuaes pa correr un Windows XP al que-y Micro$oft ya-y puso fecha de retirada del mercáu por segunda vegada. Pero para un Linux, qu’esprime abondo l’hardware, ye más que de sobra. Encima, ante tan baxos costes, el fabricante ufierta la posibilidá d’escoyer sistema operativu preistaláu, pero claro, si quies Windows pagues la llicencia, que son unos 50€ más respecto a la versión con Linux. Falando de precios tan baxos 50€  jode gastalos 😉

Parez ser qu’esti ye un mercáu prometedor tanto pa los consumidores, los fabricantes, como pa nosotros, los usuarios de Linux.  Los grandes ya tan metiendose de cabeza, y saldrán d’equí a poco abondos portátiles.

Pero claro, Micro$oft nun se duerme, y ta viendo peligrar un mercau n’espansión, y ya movió ficha. Más bien movió 2 fiches:

1.- Quier que los fabricantes aumenten el discu duru y memoria.

2.- Casi regalará Windows XP pa esos portátiles.

A mi nun me parez demasiao mal que Micro$oft espabile, al fin y al cabo, ye una empresa, y tien que mirar los sos intereses.

Pero nun me presten dos coses (respecto a esta noticia):

1.-  Que dende’l so puestu monopolista, siga imponiendonos los sos programes, en base a estorsionar a los cagaines de fabricantes, nel que nengún atrevese seriamente a planta-y cara preistalando Linux de manera formal, a pesar de qu’arrasen cuando lo faen.

2.- Que tanto que llucha escontra la piratería, cobrando siempre a preciu d’oru los programes, agora que se-y escapa un mercáu emerxente, regalalu. Pero a ti, queríu/a llector/a, seguirá cobrandótelu percaru.

Resumiendo, Linux tien un camín perllargu per delantre. Ya nun sólo tien que saltar les zancadilles de Micro$oft, tamién les de los fabricantes por querer siempre llambe-y el culu a Micro$oft, como pol pésimu soporte de drivers.

Tan acabantes d’anunciar na llista de corréu l’espublización d’Ubuntu 8.04 LTS. Podeis descargalo equí.
Voi aprobechar esta versión pa formatear el mio discu duru per primer vegada en tres años, en unos díes diremos sacando artículos sobre instalaciones y configuraciones.

Toca-y trabayar al torrent…

Güei fasta Mark Shuttleworth (fundador de Canonical) dixo que ye un día triste pa la ISO y el públicu informáticu.

Micro$oft algamó que la ISO aprobara’l so formatu OOXML usau na so Office 2007 🙁

La hestoria remontase ya nel tiempu, y la ISO rechazó aprobar nun primer momentu esi formatu de documentos ente una bayura de corrupción nos votos. Pero pocos son los sitios onde nun lleguen les perres de Micro$oft, y güei anunciase que la ISO acepta la apelación del formatu, aprobándolu.

Agora xúntase esti formatu (engorrosu y na abiertu) a otros abiertos como ODF ó PDF 🙁

Les consecuencies son graves tanto pal mundiu del códigu abiertu, como pal bolsillu de los ciudadanos. Ya que les alminitraciones públiques que quieran siguir el standard ISO ya pueden usar la cara Micro$oft Office (qu’obviamente nun paguen los políticos, sinon toos nosotros), en llugar de la gratuita OpenOffice col formatu ODF 🙁
Un exemplu de lo que se puede aforrar por nun usar la Micro$oft Office ye la de la Xendarmería Francesa qu’aforró 7 millones d’euros.

Sólo espero que seya l’entamu d’un gran batacazu d’ISO en credibilidá, por demostrar la so ineptitú como organismu de standarización.

Si quies más información, recomiendote Microsoft manda en ISO.

Vista Ultimate vs Mac OS 10.5 vs Ubuntu 7.10

And the winner is… UBUNTU!!!

Fízose esta selmana un concurso, aprovechando una conferencia de seguridá, pa ver quien yera capaz de controlar un laptop de forma remota mediante un bug nun conocíu. El premiu nun tenía desperdiciu: 10.000 $! ¿Y que fué lo que pasó?…

Nel primer día resistieron tolos SO.

Nel segundu día permitieronse ataques a aplicaciones del SO, y el MAC nun aguantó l’ataque por una vulnerabilidá en Safari.

El tercer día, pudiendo usar aplicaciones de terceros, cayó Windows debio a una vulnerabilidá de Flash.

Ubuntu quedó invatíu, nun atopandose bugs nos 3 díes 😀

Se para’l desarrollu d’Automatix.

Automatix ye una aplicación que facilitaba la istalación d’aplicaciones/drivers.

Fae tiempu hubo discrepancies sobre los métodos qu’usaba’l programa, y que podíen causar inestabilidá nel sistema.

Los desarrolladores camudáronlos, intentando conciliase más cola comunidá.

Pero agora parez que por motivos personales, los desarrolladores nun tienen el tiempu necesariu pa desarrollar esta aplicación, y cancelen el proyectu.

La verdá qu’en ciertu momentu, esta aplicación llegó a acercar a munchos usuarios a Ubuntu, ya que facilitaba enormemente la istalación de java, drivers, flash, etc, que yeren un poco más complicaos col propiu sistema d’Ubuntu.

Ye pa nos un presto anunciar de que yá hai un sistema operativu n’asturianu, depués de munchu trabayu de tola comunidá y cuando tamos premarando’l sitiu web nuevu de Softastur porfin podemos disfrutar d’un sistema operativu na nuesa llingua. Y ye que na última actualización de los paquetes de les llingues d’Ubuntu porfin incluyen soporte al asturianu.

Ye mui tarde y tocame madrugar polo que nun puedo estendeme munchu (prometo un tutorial pa tener Ubuntu n’asturianu) vos dexo una captura de pantalla que fice del mio pc.

Tenemos munchu trabayu que facer, munches coses qu’iguar pero el trabayu va dando frutos.

Quería dar el mi agradecimientu personal a tolos que collabarais tanto con launchpad, como con otru tipo de proyeutos como Mozilla o la propia Uiquipedia el esfuerzu fechu… estes coses son les que ropen “la brecha dixital” de verdá… güei toi como un guaḥe con calcetos nuevos 😀

Intrepid Ibex ye’l nomatu final pa la versión 8.10 d’Ubuntu que saldrá n’Ochobre del 2008, según anunció Mark Shuttleworth.
¡Bienveníu seya! 😀