Del que ye ensín dulda’l meyor reproductor de música xamás criáu, acaba d’asoleyase la so versión 2 😀

Ente les meyores cabe señalar:

• Interface rediseñada dafechu.
• Meyor integración con Magnatune, Jamendo, MP3tunes, Last.fm y Shoutcast
• Meyor API y sofitu de módulos complementarios.
• Migración de framework KDE 3 a KDE 4, usando les teunoloxíes cómo Solid, Phonon y Plasma.

Llegó la esperadísima versión 3 de la suite OpenOffice 😀

Tal espectativa, fizo caer los servidores col despertar de los Estaos Xuníos.

Si tienes Ubuntu, el mio conseyu ye qu’esperes a que lo incluyan nos repositorios oficiales (sedrá cuestión de 2/3 díes) 😉

Les principales equí 😉

Pa poder llamar a fixos de 1/2 mundiu a traves del protócolu zarráu de VoipBuster con Ubuntu, viennos preistalao Ekiga.
Pero tenemos un másimu de tiempu pa llamar a teléfonos fixos, y la calidá a vegaes nun ye tolo bona qu’esperamos.

Lo meyor ye llamar ente ordenadores, a traves del protócolu abiertu SIP, usando Ekiga, onde nun vamos tener llímite de tiempu y la calidá ye perbona.

Pa los que teis avezaos a Windows, Ekiga xunto al protócolu SIP,  nun tienen na qu’envidiar a Skype 😉

Pa configuralo, en llugar de crear una cuenta pa VoipBuster, creamosla nel protócolu abiertu SIP.
Pa ello, damonos d’alta n’Ekiga.

Nun tiempu llegará al nuestru email la confirmación d’alta 😉

Ya cola cuenta creada, executamos Ekiga, configurandola col usuariu y clave que pusimos anantes 🙂

Pa que nos llamen, tien que ser al nuestru usuariu, poniendo enrriba: sip:usuariu@ekiga.net

Asina de fácil 😀

A vegaes, salnos una pantalla, que nun sabemos a qué programa/aplicación pertenez. Saber cual ye pue ser de muncha utilidá si lo que queremos ye iguar o editar dalgún testu de la traducción, (podemos  saber a qué plantía de Launchpad pertenez, y dir aína a la mesma pa iguala).

Cola ventana abierta, (la que tamos pescudando saber a qué aplicación pertenez), abrimos el terminal y pondremos:

xprop | grep WM_CLASS

automáticamente, el punteru del ratón conviértese nún “puntu de mira” col que facemos click na ventana deseyada. Esto amosarános l’aplicación correspondiente.

Entrugábame l’otru día Astur sobre telefonía IP.

Güei puseme a indagar, y atopé una sorpresa bien prestosa 😀 Llamar con Ekiga a traves de VoipBuster, pudiendo llamar 300 minutos a la selmana de baldre a estos países:

Pa ello usaremos el programa open source Ekiga, incluyíu n’Ubuntu (Menú Aplicaciones/Internet)  😉  col protocolu de VoipIP VoidBuster.

Abrimos Ekiga y configuramoslu según la nuestra conesión.

Dempués creamos una cuenta en VoipBuster. Unvíarannos un email pa que confirmemos l’alta.

Agora que somos usuriarios de VoipBuster, n’Ekiga vamos al menu Edit/Accounts y creamos una cuenta asina:

Nome de la cuenta: VoipBuster
Rexistru: sip1.voipbuster.com
Nome d’usuariu: el vuestru nome d’usuariu al davos d’alta en VoipBuster.
Contraseña: La vuestra contraseña d’usuariu al davos d’alta en VoipBuster.

¡Ya ta! Asina de cenciello 😀

Agora pa llamar a un fixu d’esos países ponemos como númberu:
sip:0034XXXXXXXXX@sip1.voipbuster.com

Onde 0034 ye’l prefixu internacional y XXXXXXXXX sustitu-ylu pel teléfonu 😉

Calques nel boton de la drecha (ye como un enchufe), y nunos 10 segundos llamará 😀

Asegurate de poner el volume del altavoz y del micru amediaos na pestaña “Audiu” 😉 Sinon, nun oirás na. Asegurate que la to configuración d’audiu/micro ye correuta tamién 😉

Remembra que con Ekiga, creando una cuenta d’Ekiga, puedes falar indefinidamente ente usuarios online, pero esta configuración será un post aparte 🙂

¡A disfrutalo!

¿Reistalaste Windows? ¿Entrote un virus na partición de Windows? ¿Cancelaste un formateu? En definitiva ¿Frayaste’l arranque de Grub?

La manera más cenciella de recuperar esi arranque ensín conocimientos avanzaos ye usar un discu con Super Grub Disk 😉

¡Al arrancate aparezte un menú nel que restablecer l’arranque del discu ye perfácil! 😀

Ante toos ustedes, placeme presentavos gracies a tolos collaboradores de Softastur, col güevu pintu de los Robots (mira la direción about:robots): ¡¡Firefox n’asturianu! 😀

¡Afayaivos humanos!

¡Milenta gracies a tola xente que puso’l so graní­n d’arena pa qu’esto seya una realidá¡! 😀

Calca na semaya pa vela en grande.

Nueva versión adaptada a Intepid Ibex de Gufw 😀

Les principales novadaes son:

Diálogu de preferencies.
Rangu de puertos al añadir regles avanzaes.
Entamar cola sesión.
Log de Gufw.
Activar/desactivar log d’ufw.
Mostrar u ocultar iconu de tray.
Comandu global Alt+F2 + Gufw.

Pa descargalu, equí tienes l’istalador 😉

Fae poco Telecable camudó los puertos polos que recibir/unviar l’email.

Nun ye problema pal serviciu técnicu echate un gabitu si uses aplicaciones populares como Outlook o Thunderbird (¡estí caberu ye la bomba! 😉 A dicir verdá tocome una pedante a lo primero, pero llueu pasome col serviciu técnicu, y nunca m’atendieron tan bien 😀 Ni cuestionó’l chaval si tenía Ubuntu o si usaba un cliente d’email poco conocíu.

Pero cuando uses Ubuntu y el so cliente d’email Evolution… ehí complicase un poco.

Evolution nun tien onde especificar los puertos polos que recibir el correu, polo que hai que xunta-ylos al final del servidor del mou:

Servidor POP: mail.telecable.es:995
Servidor SMTP: mail.telecable.es:465  (Si nun te furrula, prueba con 587).

Tamién hai que camudar la seguridá a SSL.

Dexovos unes captures de la configuración completa dende’l menu Editar/Preferencies/Cuentes/Editar d’Evolution 😉

Al fin y al cabu, por muncha espectación qu’heba, ¡esto ye informática! Y el ser humanu fae programes imperfectos por autonomasía…

A la fin, ni un día tardose n’atopar el primer bug de Google Chrome…