¿Quies más motivos pa usar software llibre? 😉

A falta de más d’un mes pa salir Ubuntu Intrepid Ibex, ya puede disfrutase cola Alpha de coses como esta: ¡Configurar el tecláu cola ḥ y ḷḷ de manera perfácil! 😀

Dexovos el vídeu (equí n’alta calidá) de cómo configuralo.

Enllace de descarga

¡Too esto ye posible gracies a Mikel! 😉

Hola prósima versión d’Ubuntu (na que l’asturianu ye casi too), tendrá una grata novedá, pa istalar l’asturianu, nun fae falta desistalar tol restu de les demás llingües que ten istalaes.

Igüose esi fallu, y agora con escoyelo ¡ta! 😀

Tamién vien incluyíu’l tecláu n’asturianu 😉

Enterome vía Esbilla, qu’esti martes,16 de Setiembre hai un debate sobre la bloguesfera n’asturianu nel Centru de Cultura Antiguu Institutu de Xixón, a les 18,15 hores 🙂

Dende’l equipu de tornadores d’Ubuntu al asturianu, abellugaos en Launchpad y Softastur, y col inmensu y perimportante trabayu n’especial d’Astur (¡Gracies!) 😉 dexovos un enllaz onde baxar un archivu que vos anovará los programes d’Ubuntu a les caberes tornes al asturianu 😀

Pa ello, visita esta web:
http://code.google.com/p/softasturubuntutranslations
y vete a la zona de baxaes 😉

Nueva versión adaptada a Intepid Ibex de Gufw 😀

Les principales novadaes son:

Diálogu de preferencies.
Rangu de puertos al añadir regles avanzaes.
Entamar cola sesión.
Log de Gufw.
Activar/desactivar log d’ufw.
Mostrar u ocultar iconu de tray.
Comandu global Alt+F2 + Gufw.

Pa descargalu, equí tienes l’istalador 😉

Si ye’l to casu, date una vuelta per Obtenga GNU/Linux 😉 Esplicarate cenciellamente en que consiste esti apasionante mundiu 😀

Hai vegaes que la xente prefiere Windows XP pol meru fechu de tener los collores, ventanes de tala manera.
Entos ye necesario engañar al usuariu del ordenador pa que s’afaye con el. Exemplos: Una persona mayor que sólo usó Windows XP, persones que renieguen de Windows Vista y prefieren el XP, un Cyber…
Pero claro, XP ye caru, inestable, zarráu y delles coses más 😉
¿Solución? ¡La potencia de Linux cola interface de Windows XP!
Dexote un videu de la istalación ya configuración 😉 Pa que te faigas una idega de como queda.

Perdióse'l enllaz

Pa configuralo, hai que buscar pela rede en bastantes sitios, tando casi too en Gnome Look, asina que pa facilitatelo, reunilo too n’esti archivu.

Los pasos son:

• Tema NotXP: tema_gnome.tar.gz – Descomprime’l ficheru nel to directoriu d’usuariu .themes.
• Añade un panel Main Menu al panel d’abaxo y colocalo a la manzorga.
• Botón Menu Entamu (U otru que quieras): Ta incluyíu na carpeta del tema NotXP anterior. Na terminal executa: gconf-editor Navega a /app/panel/objects Y busca un object tipu “menu-object”. Entos pon el custom icon = a la imaxen del menú entamu que quies. Nesti casu /home/tapaponga/.themes/NotXP/start.png y calca a activu use_custom_icon
• Iconos GnomeXP: iconos.tar.gz – Descomprime’l ficheru nel directoriu d’usuariu .icons
• Cursor mur: cursor_mur.tar.gz – Descomprime’l ficheru nel directoriu d’usuariu .icons
• Pantalla d’entrada XP Login GDM: tema d_entrada.tar.gz – Abre’l menu /Sistema/Configuración/Pantalla de login. Situate na prestaña “local” y arrastra el archivu comprimíu tal cual sobre ella. Confirma la istalación y seleciona esa ventana d’entrada.
• Ventana splash: splash.png – Ye la ventana que se ve cuando entama Ubuntu. Vete de nuevo al configurador de Gnome (gconf-editor na terminal), navega a /apps/gnome-session/options y establez splash_image a la ruta d’esa semeya y activa que se vea’l splash.
• Fondu d’escritoriu: fondu_escritoriu.jpg – Establez como fondu d’escritoriu la semeya.
• Mueve los paneles pa dexalos como Windows XP (Botón drechu sobre ellos y añadir).

¡Y ta! A provocar a conocíos de que Linux nun te convenció y vuelves al Window$, o la interface ideal pa dalgunes persones 😀

Si quies ver una captura de pantalla de como quedará, ehí va (calca n’ella pa vela grande):

Ya se sabe’l nuevu nomatu de la futura versión 9.04 d’Ubuntu 😉

Jaunty Jackalope

¿Nunca t’entrugaste cuantos/es como nosotros tienen Ubuntu n’asturianu?

Si vas al menu /Sistema/Alministración/Fontes del software, na cabera pestaña Estadístiques hai una casilla (desmarcada por defectu), que cuando ta activada unvía a Canonical de manera anónima 😉 qué programes tienes istalaos.

Canonical espublizalo cada selmana na web: http://popcon.ubuntu.com/

Abaxo del too dizte cuanta xente nel mundiu tien activada esa casilla. Agora mesmo: Number of submissions considered: 692.992

Baxamos les estadístiques col comandu wget dende la terminal y miralo col programa Hex Editor (son miles de files que pueden colgate’l navegador o l’Open Office) wget http://popcon.ubuntu.com/by_inst

Y vemos que l’asturianu tien la istalación base de la llingua “language-pack-ast-base” en 1.263 ordenadores que tengan activao les estadístiques.

Facemos la operación de (1.263 / 692.992) * 100 =  0.18% d’ordenadores tienen la llingua asturiana istalada.

Saber cuanta xente usa Ubuntu ye complicao, porque nun hai un rangu de ventes, sinon que se descarga y puede istalase cuantes vegaes se quiera 😉 Estímase que son ente 6 y 12 millones d’ordenadores en tol mundiu. Parez qu’una cifra aprosimada ente tantos millones son 8 millones d’ordenadores con Ubuntu.

¡¡El 0,18% de 8.000.000 son 14.400 persones aprosimadamente!! 😀 😉 que tienen istalao l’asturianu 🙂

Esta entrada va dedicada al equipu de tornadores de Launchpad, que faen posible col so puxu que disfrutemos Ubuntu na nuestra llingua ¡Gracies! 😉

Fae poco Telecable camudó los puertos polos que recibir/unviar l’email.

Nun ye problema pal serviciu técnicu echate un gabitu si uses aplicaciones populares como Outlook o Thunderbird (¡estí caberu ye la bomba! 😉 A dicir verdá tocome una pedante a lo primero, pero llueu pasome col serviciu técnicu, y nunca m’atendieron tan bien 😀 Ni cuestionó’l chaval si tenía Ubuntu o si usaba un cliente d’email poco conocíu.

Pero cuando uses Ubuntu y el so cliente d’email Evolution… ehí complicase un poco.

Evolution nun tien onde especificar los puertos polos que recibir el correu, polo que hai que xunta-ylos al final del servidor del mou:

Servidor POP: mail.telecable.es:995
Servidor SMTP: mail.telecable.es:465  (Si nun te furrula, prueba con 587).

Tamién hai que camudar la seguridá a SSL.

Dexovos unes captures de la configuración completa dende’l menu Editar/Preferencies/Cuentes/Editar d’Evolution 😉