Los que tenemos tarxetes grafiques vieyes, nel mi casu una GeForce2 con 32 mb que compré fai 8 años, encontramonos con que la nueva versión de xorg (servidor gráficu) que trae Ubuntu Intrepid ye incompatible col driver de nvidia pa esti tipu de tarxetes. Por suerte nvidia sacó una beta de los drivers pa esta serie de tarxetes que si funcionen cola nueva versión de xorg y Alberto Milone unvio un parche cola nueva beta, nun futuru tará disponible nos repositorios, pero los que nun podeis esperar (como yo) podeis aplicalo vosotros mesmos. Esto funcionome a mi, pero puede que a ti non, si nun tas mui seguru meyor espera a que anoven de los repositorios…

Lleer más »

Nautilus recueye n’esta versión 2 meyores persolicitaes y perbones:

• Pestañes.
• Nueva vista compauta.

Pa usar ḷḷ y ḥ n’Intrepid Ibex nos tos escritos, ye asina de cenciello: Calques la tecla AltGr + h ó l.

Remembra que pa poder facelo tienes que configurar el tecláu cola variante asturiana 😉

Ilusión porque paez mentira que pasara tanto tiempu, y que lo que fai 5 años parecia una odisea imposible güei ye una realidá, tener un sistema operativu que funcione n’asturianu… cinco años dan pa munches cosines, munchu trabayu y sobre too muncha xente, xente qu’agora xenera y tien ilusión por que d’un añu p’acá la meyora cualitativa y cuantitativá del proyeutu foi impresionante.

Too esto qu’entamó con Mozilla 1.0 (güei SeaMonkey) na que foi la segunda traducción espublizada d’esta suite d’aplicaciones d’internet (depués del chinu y por supuestu del inglés), ta convirtiendose nuna realidá palpable. El fechu de que n’esti añu consiguieramos el soporte definitivu pal asturianu en GNU/Linux, el rescate de vieyos proyeutos bandera como Firefox o Abiword, conseguir escribir ḥ y ḷḷ dende’l tecláu, el soporte oficial en Gnome, y sobre too el despertar y consilidación d’una comunidá dormida y cansada, gracies a muncha xente con ganes de facer coses y toles sorpreses que tan a puntu de caer, faen que realmente la pallabra qu’anguaño meyor define a los que collaboramos con Softastur seya ilusión…

Esperemos que’l 1 de payares de 2013 sigamos con esta ilusión y celebremos los 10 años del primer repositoriu públicu de Softastur.

Cuando sal una nueva versión d’Ubuntu, al anovar dende’l “Xestor d’anovamientos” avisate si quies anovar los paquetes o saltar a la nueva versión.

Na web oficial, esplícanos les posibilidaes pal anovamientu 😀

Con Hardy nun sal esi avisu, y ye porque Hardy ye una LTS (Long Term Support) y vien preconfigurada sólo p’actualizar a otres LTS, pero si queremos actualizar podemos camudar en /Sistema/Alministración/Oríxenes del Software, pestaña “Actualizaciones”, “Amosar nueves versiones de la distribución” por “Ediciones Normales“.

Con ello ya verás Intrepid afayaízu p’anovar 😀 Y simplemente actualizando, Ubuntu encargase de too 😀

Toi acabante d’instalar Intrepid nel pc, como tengo una partición colos datos (el porno y eses coses imprescindibles) desanicie les particiones que usa’l sistema y fice una instalación llimpia. Tengo la costumbre d’instalar siempre en modu testu y la verdá que presta dar con pantalles como esta… 🙂

Bono, casu ye que depués d’instalar col tecláu asturianu y depués d’instalar les traducciones abro el Firefox y NOOOON ta n’inglés… nun se que pasó pero les traducciones d’esti navegador nun s’anovaron pa la nueva versión…

Bono, solución temporal, instala esti plugin nel to firefox, nun lleva más de 2 segundos, reinicies el navegador y yá ta n’asturianu otra vuelta…

Agora cuando queremos dexar a dalguien manexar l’ordenador, pero nun queremos crear otru usuariu, tenemos la posibilidá d’abrir la sesión d’invitáu.
Tolo que faiga la otra persona desaniciarase cuando zarre la so sesión nun quedando rastros nel ordenador 🙂 Y por supuesto, ye una cuenta ensín privilexos d’alministrador.

Pa activala, vamos al nuevu menú d’usuariu y simplemente escoyemos “Guest session”.

Con esti programa puedes grabar una imaxe .ISO a un llápiz USB, algamando poder istalar Ubuntu dende un LiveUSB, en llugar d’un LiveCD, aforrando CDs 🙂
¿Ventaxes? Istalar n’equipos ensín reproductor de CD o rotu, ganes velocidá d’istalación si tienes que facelo en varios ordenadores…

¡Perbona ferramienta! 🙂

Dexovos un videu colo simple que ye de facelo 😉

¡Por fin llega la esperadísima versión final d’Ubuntu Intrepid Ibex ya puede descargase! 😀

Ente les novedaes más destacaes, caben señalar les siguientes:

• Soporte pa ḥ y ḷḷ de manera nativa 😀 Y munches más aplicaciones tornaes al asturianu 😉
• Nautilus estrena pestañes.
• Directoriu priváu encriptáu pa cada usuariu.
• Nuevu tema visual oscuru (nun va por defeutu, pero sí pa poder escoyelu fácilmente).
• Nueva sesión d’invitáu con accesu llimitáu al sistema.
• Nel Grub aparez arrancar cola “Cabera sesión exitosa”.
• Nuevu xestor de redes (con soporte pa 3G).
• System Cleaner pa llimpiar paquetes que nun faen falta.
• Meyor soporte de Flash con Firefox.
• Istalador pa poder crear con Ubuntu un LiveUSB, y istalalu en PCs ensín reproductor de CD.
• DKMS: Recostrucción automática de los módulos cuando heba autualizaciones del kernel.
• Arranca muncho más rápido (nel mio caso calculo qu’aforra 1/4 parte del tiempu que lleva entamar a Hardy).

Y….. ¿qué faes que nun lo tás baxando ya? 😉 😀 (Recomendación: Usa torrent, qu’igual tan saturaos los sirvidores).

PD: Nos prosimos díes diremos poniendo captures y videos de les novedaes 😉

Nun me podréis negar l’increible parecíu d’esti paisanu (Astur Paredes) col padre del software llibre…