Mapa de radar
Siempres m’entrugué qué yera eso de Mapa de radar… Tengo un applet de esos prestosos de meteoroloxía que vienen con Ubuntu por defeutu. Pa ponelu, calcamos col Botón drechu enriba del Panel Superior, Amestar al Panel…, escoyemos Informe Meteorolóxicu, y volvemos a da-y a Amestar.
Esta utilidá dizte la temperatura y pon un iconu prestosu del tiempu que va a facer. Pero cuando calques enriba d’ello, sal una ventana con una llingüeta que pon: Mapa de radar …y nada más.
Pues bien, yá se pa que ye, y non, nun ye pa saber au s’alluguen los de la Menetérica. Si calcamos col botón drechu enriba del iconu que tenemos nel panel, y llueu Preferencies ábrese una ventana con dos llingüetes. Vamos a la que trai “Xeneral“, activamos les caxelles “Activar mapa de radar” y “Usar direición personalizada pal mapa de radar“, y na caxa de embaxo ponemos esti enllaz:
Zarramos y llisto.
Agora yá sabremos lo que ye el famosu Mapa de radar.
Saludos. (quien sepa de más enllaces, que los ponga en comentarios 😉 )
NOTA: Póngovos equí dalgún enllaz más, puestu que paez que’l d’arriba ta obsoletu:
21 de Xineru, 2009 - 03:01
Yo tengo puestu el gnome-inm-forecast, que tien los mapes de radar, temperatures, previsiones… en castellanu, porque son datos oficiales de l’INM y «tenemos que poder»
21 de Xineru, 2009 - 13:00
A mi nun me apaez na no de mapa de radar al facer eso…
21 de Xineru, 2009 - 13:16
Rieḷḷu, compreba que tas metiendo bien l’enllaz. Ye lo único que se m’ocurre… Poniendo ehí esi enllaz, si calques col botón esquierdu enriba l’iconu, y llueu vas a la llingüeta “Mapa de radar” tendríes que ver un mapa meteorolóxicu. Por si acasu, calque de xemes en cuandu en “Actualizar”
21 de Xineru, 2009 - 14:24
A mi tampocu me sal… sicasí prefiero usar el tiempu que trae el reló (anque nun tien mapa radar), pero ¿sabéis si pueden amestase más ciudaes? a mi namás que sal Avilés, pero prestaríame poner tamién Mieres, ¿hai dalgún servidor qu’ufra más sitios?
21 de Xineru, 2009 - 14:32
Con otros mapes si que funciona, pero el que punxisti tu ta mal… da error 404
21 de Xineru, 2009 - 14:38
El que diz xuaco trae Mieres tamién, sicasí nun amuesa la temperatura na barra y ties que pasar el punteru del mur por encima pa que l’amuese…
21 de Xineru, 2009 - 16:56
Pues tamién ye mala suerte…. Efeutivamente, nun furrula l’enllaz que vos dí, y eso que llevo una selmana con él. Debieron quitar la información…
Bono, ehí os va unu que sí funciona… testáu de fai 2 minutos 😀
http://www.sat24.com/image.ashx?country=sp&type=loop&sat=vis
21 de Xineru, 2009 - 19:41
Si entres en preferencies>Llocalización>Europa>Spain>Avilés. Date’l tiempu que fai nel aeropuertu, Anóvase cada pocu (puedes configurá-ylo)
21 de Xineru, 2009 - 19:47
Sí, agora si va, ta perguapu.
Tamien ta bien lo de Xuacu, qu’amás date’l tiempu pa varios díes
21 de Xineru, 2009 - 21:32
Tengo que contradicite, Xuacu. Pero fáigolo con munchu gustu, porque yá nun vas “tener que poder” velo en castellanu.
ḥe ḥe ḥe
Esto ye Ubuntu!!
Tenéis el ficheru en
http://code.google.com/p/softasturubuntutranslations/downloads/list
ye el que se llama “gnome-inm-forecast” xD
y yá sabéis onde lu hai que poner
Saludos