Homenaxe a la lletra “u”

N’Asturies, cuando daquién gana una carrera, dicimos que foi el primeru. Y nun dicimos que foi “el primero“. Esa “o” rincha nes oreyes, y distingue ente’l que bebe la sidre a sorbiatinos, y el que sabe escanciala y tomala d’un güelpe.

Ye por eso, que el primeru, tien de ser el 1ᵁ….   y non el 1º.

Conseguir el carauter ᵁ, ye bien cenciello. Tai sollertes:

Calcamos al mesmu tiempu, les tecles Ctrl + Mayúscules + u (nesi intre, saldrános una “u” con una llinia embaxo)

Siguimos calcando (agora d’una nuna) lo siguiente: 1d41 (y tecla Enter)

Y yá lo tendremos.

Esti ye el mou cenciellu…  L’abegosu, (non por dificultosu, sinón por llargu) ye atopar el símbolu ente les distintes fontes de lletres, ya inxertalu. En dalgunos programes, nun puede facese más qu’enxertándolu dende los menús, pero na mayoría puédese. Déxovos una captura de pantalla d’Abiword, que ye ún de los que hai que inxertalo dende’l menú, pa que veáis la fonte (Dejavu Sans). Esto alcuéntrase nel menú  “Enxertar“–>”Símbolu…” (facéi clik na imaxe p’agrandala)

9 comentarios al rodiu de “Homenaxe a la lletra “u””

  1. Dangerous Piper diz:

    buf lo guapu yera consiguir los códigos pa parchear la distribución del tecláu asturianu y face runa combinación más cenciella. Sicasí yá se onde mirar cuando faiga falta…

  2. Xandru diz:

    Dos opciones más: escribi la lletra “u” y seleiciónala, llueu.
    1. Calca nel botón drechu y escueyi “Estilu” – “Superíndiz”
    2. Calca na opción “Formatu” – “Carácter” y na pestaña “Posición” escueyi “Superíndiz”.

    Salú 🙂

  3. xurxu diz:

    ¿Por que´siempre hai qu’imitar al castellanu?
    abogáu, automovil, España…. son hipercastellanismos
    cuando lo correcto ye escribir avogáu, automóbil, Hespaña.
    pa los ordinales pasa lo mesmo: SIEMPRE IMITANDO AL CASTELLANU, colo fácil que ye escribir 1u, 2u, 3u, 4u, 5u……..etc

  4. marquinos diz:

    Xandru, nun ye lo mesmo 😉

    Cómo tu dices, faes que’l carauter “u” seya más pequeñu y nuna posición más alta, pero sigue siendo la “u”. Eso además sólo puedes facelo nun editor de testos como Openoffice/Abiword

    Esto ye un carauter asina, tal cual, colo que pa tornar Ubuntu nun programa y poner ese carauter, puedese, tamién chateando, nun menú d’una aplicación… ¡onde seya! 😉

    Ye perinteresante esti carauter.

  5. marquinos diz:

    Xurxu, tamién l’inglés fae usu del carauter º, más bien diría que’l castellanu usó lo mesmo que l’inglés, cosa llóxica, ya que les lletres son les que lleven los teclaos 😉 Y cosa llóxica polo tanto pal asturianu.
    Pero nun teníemos esi carauter enantes, otru motivu más que tengo pa usar Ubuntu 😀

  6. marquinos diz:

    ¿Astur, que quier dicir esto?
    “…Siguimos calcando (agora d’una nuna) lo siguiente: 1d41 (y tecla Enter)…”
    Ctrl + Mayúscules + 1d41??????
    Un saludu y gracies.

  7. astur diz:

    Tas interpretándolo mal:

    Primero calcamos Ctrl+Mayúsc+u (nesti puntu, verás qu’apaez una u solliñada).
    Agora namás escribi: 1d41 y calca la tecla Enter.

    …paezme que ta bien desplicao 😉

  8. astur diz:

    Xurxu, naide te quita d’escribir 1u, 2u, 3u. Pero cuido que cuantes más opciones tengas, meyor. Sicasí, l’artículu trata del superíndiz… tamién hai superíndiz de h, m, n… etc. Úsase muncho en matemátiques. La llingua asturiana tien de poder usar tolos carauteres. ¿Uses Windows? Eso ye peor que imitar a otres llingües, porque en Windows, …..l’asturianu nun esiste.

    Reflexona. Y pásate a Ubuntu.

  9. Xandru diz:

    Ai amigu, yá me paecía que tantu Ctrl+Mays+u+1d41 yera abondo abegoso en comparanza con dici-y que yera un superíndiz.
    😉