Pa tolos que tengáis una cuenta en Gmail, esiste una aplicación perprestosa que vos avisará con un ventanu emerxente cada vegada que recibáis un mail, ensin tener que tar tol día abriendo, zarrando y visitando la páxina web. Esta aplicación ye’l Gmail Notify.

Vamos instalala. Dende Aplicaciones–>Amestar/Quitar…
Na llista estenderexable de Amosar: seleicionamos Toles aplicaciones disponibles y en Restolar ponemos Gmail Notifiy

Calcamos nel caxellu de marcáu, y entrugarános ¿Permitir la instalación de software calteníu pola comunidá?, llueu Habilitar, Aplicar Cambeos… pediranos la nuesa contraseña… y a la fin tendrémoslu instaláu.

Agora vamos a configuralu. Pa ello… vamos a Aplicaciones–>Internet—>Gmail notify

y abrirásenos un cuadru de diálogu au enllenaremos los siguientes campos:

Los más importantes son usename, el_vuesu_nome@gmail.com ;password , la que tengáis y Browser path (ehí pondréis firefox, talo y como s’amuesa na semeya, o el nome del restolador web que teáis usando).

Los demás campos, podéis dexalos como tán, y nel caberu podemos escoyer ente les llingües English, Spanish, Svenska, ya Italianu. Calcamos nel caxellu de marcáu “Save username and password / Guardar nome d’usuariu y contraseña” y Aceutar

NOTA: Vamos ponelu n’asturianu. Pa ello, descargamos esti ficheru–> langs.xml y ponémoslu dientro de la carpeta: /usr/share/apps/gmail-notify    Alcordáivos de facelo con permisos de root. Zarráis el programa, y abríslu otra vegada

Apaecerávos l’iconu enriba al delláu del calendariu, calcamos col botón drechu del mur, vamos a Configurar, y agora tendréis: English, Asturianu, Svenska, ya Italianu . Escoyemos Asturianu y llisto!!

Calcando col botón drechu enriba del iconu, sálenvos les opciones “Revisar Agora“, por si sois impacientes o “Bandexa d’entrada“, pa dir direutamente ensin falta que nos lleguen mails 🙂 A esfrutar!!

P.D. Pa facer que s’execute Gmail Notify al entamu de cada sesión, tendremos de dir a Sistema—>Preferencies—>Sesiones ó Aplicaciones nel Aniciu (dependiendo la versión que tengas d’Ubuntu). Calcamos en Amestar, y nel cuadru ponemos Nome: Gmail Notify  ;  Comandu: /usr/bin/gmail-notify  ; Comentariu: lo que queráis. Guardamos y llisto. 🙂

Esti artículu espublizóse'l 25 de Payares de 2008 a les 25 de Payares de 2008 y ta guardáu en Ensin clasificar.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.