Qu’Ubuntu entra pelos güeyos, ye un fechu cada vegada más palpable versión tres versión. Parte de la culpa, tienla la Comunidá. Munchos de los mock-up que véis perehí, son namás qu’eso: mock-up , “prototipos” o propuestes, en munchos de los casos non reales, que namás son frutu de la imaxinación de diseñadores, qu’amuesen una nueva versión o un nuevu puntu de vista de cómo tendría de ser ésto o aquello, y que busquen ver la reaición de la xente.

Pero esos mockups, son l’orixe de nueves tendencies. Ubuntu ye revolucionariu nesto. Ye dinámicu dafechu. Almite toa triba de propuestes de la Comunidá. Sométense a votación, y munches d’elles, pasen de propuestes a realidá.

Invítovos a que vos déis un voltiu pel Ubuntu Artwork. Ehí podréis ver coses como por exemplu cómo se refinó’l tema Ambiance

La “propuesta” pal Nuevu Ubuntu Software Center de Maverick..

…o nuevos temes GTK, ver equí.

Como vos dixi, pasáivos pel Ubuntu Artwork, pero nun vos creáis tolo que veáis 😉

Esti artículu espublizóse'l 26 de Xunetu de 2010 a les 26 de Xunetu de 2010 y ta guardáu en Noticies, Programes.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.