Los usuarios de Linux, tenémoslo (teníamoslo) bien fácil pa descargar un videu dende Youtube. Mentantu se reproduz el videu en Youtube, vamos a la carpeta /tmp y ehí alcontramos el ficheru con nome Flash_vwxyz, y namás tenemos que copialu a la nuesa carpeta de videos.

Pero si anovestis los paquetes estos díes, y tamién anovestis la versión de Flash, vais alcontravos con qu’esti métodu yá nun vos funciona… (cagonros, colo bien que me venía a mi…). Pero tampoco ye pa tanto, preséntovos Video DownloadHelper.

Video DownloadHelper ye una aplicación pa Firefox pa descargar estos videos. Primero vamos a la páxina:

https://addons.mozilla.org/es-ES/firefox/addon/video-downloadhelper/

y calcamos en “Añadir a Firefox” (nun taba de más que daquién traduxera al asturianu la páxina de descargues: costóme bien de tiempu saber que se referíen a “Amestar” a Firefox…). Dempués d’unos segundos, apaecerávos una ventana que vos diz que “nun ye seguro instalar complementos nos que nun se confía”. Podemos confiar na páxina y nel complementu, asina que dámos-y a “Instalar agora“.

Reaniciamos Firefox.

Agora, cada vez que vayamos a Youtube, veremos daqué apaecío a esto:

Na esquina superior esquierda, vemos l’iconu del DownloadHelper. Calcamos sobre él, y escoyemos “Download”. Lo demás, imaxináisvoslo 😉

Esti artículu espublizóse'l 1 de Marzu de 2011 a les 1 de Marzu de 2011 y ta guardáu en Firefox, Ubuntu.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.