¡Da-y fuerte!
Entós ¿dices que toques un instrumentu? ¿Quies facer la to propia música (¡pero con llicencia llibre, ho!)?
Nun dexes de facelo par falta d’acompañamientu. Güei quiero presentate Hydrogen, una gayaspera caxa de ritmos.
Caxa de ritmos Hydrogen
Equí puedes ver un pantallazu del programa, que ye percenciellu d’usar aunque (como yo) nun tengas muncha idega de lo que tas faciendo.
Pa instalalu, baxa de los repositorios hydrogen ya hydrogen-drumkits (los samples de soníu) y… ¡chumba, chumba, chumba…! 🙂
14 de Avientu, 2009 - 01:00
Perbona utilidá pa los que somos músicos.
Una entruga, ¿nos repositorios apaez como Hidróxenu: Advanced drum machine?
14 de Avientu, 2009 - 03:57
Sí, nel Centru de Software apaez como Hidróxenu (nun se por qué ta traducíu el nome). Cuido que tamién instalará los drumkits; pero nun lo se cierto.
Si tres d’instalalu notes qu’el soníu s’entrecorta, seique tengas qu’instalar un kernel de tiempu real. Tranquilu, nun ye difícil. Sólo marcar el paquete linux-rt y aceutar les dependencies que pida 🙂
Si yes músicu, de xuru te prestaría probar les aplicaciones qu’instala Ubuntu Studio (paquete ubuntustudio-audio). Alguna d’elles yá la presentaré equí más alantre.
Y, pa instalar por paquetes, encamiéntote instalar el Xestor de paquetes Synaptic (bona parte de lo anterior nun apaez, de momentu, nel Centru de Software)