«
»

Crónica Install Party Xixón

Acabo llegar de la install party de Xixón, y voi comentavos que tal 🙂

Vino xente bastante (igual pa ser Xixón podría haber venío abondo más, pero’l tiempu nun acompañó cola lluvia tol día), y esta vegada tol mundiu coló con Ubuntu instaláu n’asturianu o castellanu, según escoyeron 🙂

Presta pola vida que la xente te diga que marcha “percontenta” 😉 Y danos más puxu si cabe pa seguir tornando y sofitando’l software llibre n’Asturies.

Ta claro que la xente demanda l’asturianu nos ordenadores, y notase un movimientu de quérelu en toles estayes de la vida normal y diaria 😀

¡Munches gracies a los que vinisteis y espero que teis percontentos col vuestru Ubuntu! 😀 Si teneis cualisquier dulda o problema, podeis escribir un comentariu n’esti artículu 😉 ¡Un saludu!

PD: Cuando tengamos les semeyes, subímosles

Actualizáción:

  • Déxovos les semeyes 😉 Calca n’elles pa veles más grandes.
  • Puede lleese la noticia en La Voz y  LNE.





Esti artículu espublizóse'l 16 de Mayu de 2009 a les 16 de Mayu de 2009 y ta guardáu en Ensin clasificar. Etiquetes: , , .
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

2 comentarios al rodiu de “Crónica Install Party Xixón”

  1. Daviz diz:
    17 de Mayu, 2009 - 18:37

    “Percontentu” ye bona pallabra pa definir la install party. Felicidaes a Softastur y la xente que s’enfota nesti perguapu proyeutu que ye’l software llibre n’asturianu.
    Tres prebar Ubuntu nun veo más que ventaxes. Rapidez, seguridá, facilidá pa manexase, etc.
    Animo a tola xente a que prebe Ubuntu, nun cuido qu’heba marcha atrás dempués.

    Salú ya l’asturianu ḷḷingua oficial yá!

  2. marquinos diz:
    17 de Mayu, 2009 - 19:36

    ¡¡Gracies polos ánimos ya sofitu Daviz!! 😀
    Ente toos vamos demostrar que l’asturianu ta mui vivu y que queremos usalu en toles estayes 😉
    ¡Gracies y un abrazu!