Crónica Edubuntu n’asturianu
Ayer foi otru día de satisfacción pola esperiencia con Edubuntu.
La instalación ficimosla nel telecentru de Sama (gracies Eloy pol sofitu! otra vegada 😉 ) sobro equipos con Windows XP y 480 MB, onde instalamos Virtualbox, copiamos una imaxe d’Edubuntu asignando-y sólo 180 MB de memoria (portándose perbien Edubuntu pa esa cantidá de memoria), y afitamos pantalla completa ¡voalá! L’ordenador engaña y parez que temos ante un Edubuntu real (non virtualizáu baxo Windows). Quisimos que fuere asina, porque nun yera plan particionar ordenadores que nun son de nós, y nes escueles lo más normal será que tengan Windows y tampoco dexen particionar pa instalar Edubuntu. Con esti métodu qu’esplicaremos nun post más alantre, podrás instalar ensin particionar 😉
Lluéu llegaron los neños/es, y la verdá que ye ablucante lo bien que se-yos da les nueves tecnoloxíes a los rapacinos/es 😛
Quiero recalcar que si a un neñu/a das-y un entornu dafechu n’asturianu, cola xente alrodiu falando-y n’asturianu y l’ordenador n’asturianu, el neñu/a fálate dafechu n’asturianu, de manera natural. Ye un esponxa que s’adapta al mediu perrápido 😀
Tamién vinó Próspero Morán a grabanos, y podreís ver la esperiencia nun programa de “Nós” de la RTPA 🙂
Sólo queda da-y milenta gracies a los neños/es y a sus pas/mas por venir, y permitinos demostrar que l’asturianu ye perfectamente válidu pa dar clas de cualisquier materia n’asturianu. ¡Queremos la educación n’asturianu dafechu!
Equí dalgunes semeyes:
20 de Xunu, 2009 - 12:06
Acoyonante collacios. Esti ye’l camín. Onde puede descargase Ubuntu? pues dame un enllaz direutu? gracies y a siguir.
20 de Xunu, 2009 - 13:16
Hola.
Equí tienes pa baxalo:
http://www.ubuntu.com/getubuntu/download 😉
Edubuntu ye Ubuntu + programes educativos, una vez instalao Ubuntu, puedes instalar Edubuntu baxándolu d’equí:
http://cdimage.ubuntu.com/edubuntu/releases/
según la to versión.
Más info en: http://www.obtengalinux.org/
Un saludu y pa cualisquier dulda, equí tamos 😉
20 de Xunu, 2009 - 17:07
mui guapo
20 de Xunu, 2009 - 19:25
Mui bien trabayao!
A ver cuando facéis otra Install Party d’eses que yo soi un poco pol.lín pa estes coses.
Gracies.
20 de Xunu, 2009 - 19:54
Bufff, norabona de verdá pa la xente que naguamos por dalgún día enseñar la nuesa llingua de manera normal, estos preseos son perbonos. ¡Munches gracies!.
21 de Xunu, 2009 - 18:35
Perbon trabayu ñeños!
22 de Xunu, 2009 - 12:13
Collacios, pa mí lo meyor nun foi l’actividá en sí. Pa mí lo meyor foi ver cómo entamaben a falar de sópitu n’asturianu los neños, en cuantes que l’ordenador falába-yos n’asturianu. Esos neños son la mayor ayalga que tenemos. Oyéndolos falar n’asturianu, sentí qu’esi yera’l bon camín. Hai que curiar el futuru como oru en pañu…
24 de Xunu, 2009 - 10:50
Esti post sacóme les ḷḷágrimes de la emoción, entá nun atalantais lo importante que ye dayos esta ferramienta a los guaḥes.
La simiente de güei ye’l pan de mañana.
21 de Xineru, 2010 - 10:01
Hola, gracias por este articulo interesante !
seria possible utilisar las fotos de este pagina para presentar Edubuntu en la Documentación del sitio de la comunidad francesa Ubuntu-fr.org (que está sobre licensa CC BY-SA v3.0 ) ?
(desculpe por mi español soy Francés)
Por favor responder-me en mi correo email.
~YannUbuntu de ubuntu-fr