Llevamos diciéndolo munchu tiempu: Ubuntu ye un sistema operativu col que podrás facer toles xeres que necesites. Bono, toes non…  Un todoterreno nun val pa facer batimetría 😀

Asina s’espeya nel resultáu d’una encuesta (provisional) que tán faciendo en ubuntu-es. Hai de solliñar lo siguiente:

• El 34% de los que participen na encuesta, dicen que con GNU/Linux cubren el 100% de les sos necesidaes.
• Llueu hai un grupu de xente, un 48%, que diz usar mayoritariamente GNU/Linux , magar que necesita l’usu de Windows pa xeres mui específiques. (Lóxicamente, habría que desplicar cuáles son esta triba de xeres ESPECÍFIQUES, porque toos sabemos qu’hai páxines gubernamentales, por exemplu, que namái tienen sofitu pal restolador Explorer, y nun queda más remediu qu’usar esi restolador web.)
• Por último, namás hai un 1% de la xente, que necesita tirar de OSX pa facer dalguna xera.

El restu del gráficu ye fácilmente interpretable. Tenéis la encuesta equí y podéis participar, porque entá sigui abierta.

Esti artículu espublizóse'l 30 d'Agostu de 2010 a les 30 d'Agostu de 2010 y ta guardáu en Noticies, Ubuntu.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.