Vémonos en La Pola pa cellebrar tamién les 10.000 semeyes. 😀

¡Escueyi’l to

Guerreru!

Tux, la famosa mascota de Linux, llucha dende fae décades
pola llibertá nos ordenadores del mundu.
Cada vegada más guerreros del códigu llibre xúnense
escontra’l codiciosu imperiu privativu.
La rebelión espoxiga abondo, ganando milenta batalles…
…pero pa ganar la guerra ¡necesitámoste a ti!

Trai’l to ordenador el 21 de Payares
a la batalla final n’Uviéu.
¡Y llucha pola to llibertá!

Más información equí.

Primero inórente, lluéu ríense de ti, dempués atáquente. Entós, ganes 😉 Gandhi.

Edición 19 Febreru 2010: ¡Ya ta disponible pa baxar! Pa ello, vete equí.

Ye pa mí un preste davos anuncia de que por fín, esta vegada sí, la comunidá asturiana dispondrá de OpenOffice n’asturianu.

Dempués de más de 2 años de munchu trabayu, gracies al colectivu Softastur, que ye quien desendolca el proyectu, vamos poder esfrutar d’esta perpoderosa ferramienta, competidora direuta de Microsoft Office, a la que nun tien res qu’envidiar. La primer versión que verá la lluz con llingua asturiana incluyía ente les grandes llingües del mundu va ser la 3.2, y tará disponible nun curtiu espaciu de tiempu. 😀

Lo que puedo adelantavos pel momentu ye que arranca en tiempu récord. Malpenes segundu y mediu, y yá tienes la interface llista. Los menús son bien agradables y cenciellos.

Dende los menús, como siempres, accedemos a les aplicaciones que necesitemos, nesti casu, el Procesador de testos, tamién denomáu Writer

Y yá podemos ponenos a redautar testos, facer tables, inxertar gráficos, y too ello, dende la nuesa interfaz n’asturianu. Cenciellu, cómodu, intuitivu ya compatible colos formatos de testu más conocíos, .doc, .txt, .vor, .odt (formatu abiertu), .xml, y munchos más. Tamién permite esportar a .html

Pero como suite ofimática que ye, OpenOffice, tamién nos permite usar una fueya de cálculu. L’aplicación denómase Calc, y ye compatible con ficheros .xls Con Calc podréis facer operaciones contables, representar gráficos de cálculos, ya remanar tables de datos

Dientro de la suite ofimática, tamién tenemos un programa de Presentación de diapositives, denomáu Impress, un editor de gráficos vectoriales, y un programa de base de datos. Pero esos voi enseñávoslu n’otru post. Nun quiero dexar de dar les gracies a TOL EQUIPU de Softastur. Dende’l primeru al últimu. Dicir tamién, que la meta que se marcó Softastur aporta al so final; esto ye, ufrir a la comunidá asturfalante d’una ferramienta informática completa: Un Sistema Operativu, y una suite ofimática en llingua asturiana.

Nun quier dicir esto que’l trabayu de Softastur finare. Non. Esto nun fizo más qu’entamar…:D

Saludos a tolos asturfalantes. El futuru ye nuesu.

Edición 20 Xineru 2010: ¡Ya tenemos web oficial d’OpenOffice! Ehí puedes baxar l’instalador 😉 Remembra que pa Ubuntu vendrá de serie dende la versión 10.04.

Quedé ablucáu polo fácil que ye de siguir esti manual web pa instalar Ubuntu 9.10 😀 ¿Tienes duldes? ¡Pues echa un vistazu!

¡Excepcional trabayu tol0za!

Esti artículu será de los que-y presten a Dangerous Piper 😉

Vamos instalar nun llápiz USB de 2Gb un sirvidor que ocupará 1Gb pal sistema y 1Gb pa los datos 😀 ¿Más díficil tovía? Usarémoslu nun ordenador con puertos USB, pero ensin arranque USB 😛
Investigué como facer esto, porque tengo agora un portátil pervieyu que nun tien arranque USB, y el so discu duru ta frayáu, y gastar 40€ nun discu duru nuevu de portátil, nun compensa. Y como l’USB más grande que tengo ye de 2Gb, equí va como facelo 😉

Instalar Sirvidor

Baxamos Ubuntu Server. (tamién podemos instalar Xubuntu o  Ubuntu Lite con interface mínima, pero necesitaremos instalar un sirvidor Web y l’email).
Abrimos l’ordenador, y quitamos-y l’alimentación al discu duru, pa evitar pifiala na instalación 😉
Metemos l’USB y el CD con Ubuntu Server nel ordenador y arrancamos col CD, escoyendo instalalu nel USB (partición ext3) y ensin swap.
Al finar la isntalación el CD ponnos esti diálogu:
<back>                          <continue>
Yo nel mio casu escueyo <back> y salme’l menu d’instalación completu, y escueyo instalar LILO, ya que GRUB nel mio ordenador al ser mui vieyu nun arranca.
Too esto ocupará 1 Gb nel USB 😀

Usalu nun ordenador ensin arranque USB

P’arrancar l’USB nun ordenador ensin arranque USB, usaremos PLoP, escoyendo “Run fro CD with an ISO file”, baxamos l’archivu .zip y al descomprimilu tendremos un ficheru plpbt.iso que quemaremos a un CD con Braseru (Opción de grabar una imaxe).

El resultáu

P’arrancar l’ordenador configuramos na BIOS arrancar dende CD, teniendo inxertáu’l CD cola imaxe de PLoP, con esti saldrános un menú pa escoyer qué arrancar, nesti casu: USB.
Con esto ya llanza’l LILO/GRUB del USB y arranca’l nuestru sistema 😀

Lo meyor de too esto ye que con meter l’USB n’otru ordenador ya tenemos el sirvidor en marcha 😀

Poniendo a punto

Ye importante facer delles coses:

• Actualizar el sistema: sudo apt-get update y sudo apt-get upgrade
• Activar el tornafuegos torgando cualisquier tráficu entrante: sudo ufw enable y activar los servicios que queramos, por exemplu: sudo ufw allow http
• Yo suelo instalar el restolador web en mou testu Lynx: sudo apt-get install lynx
• Criamos un ficheru swap (en llugar de la partición), lo cual permite camuda-y el tamañu cuando queramos 🙂 y aprovechamos meyor el 1Gb que tenemos llibre.
• Si la instalación foi ensin usar Ubuntu Server (por exemplu usastes Xubuntu o Ubuntu Litte), amestamos el sirvidor web, y tamién si quies tenelo más ordenao camudamos el camín a/var/www/html (entos hai que camudar los sirvidores virtuales nel ficheru /etc/apache2/sites-available/default).
• Los servicios que quieras tener (Dokeos, wordpress…), descomprimoslos en /var/www 😉
• Evitar ataques DOS.
• Configurar accesu SSH.
• Aprobechamos pa configurar los sirvidores virtuales.
• Tamién configuramos les conexones másimes d’apache, pa que nun nos saturen el sirvidor.
• Y tamién taría bien configurar l’actividá/inactividá del discu duru.

Agora ta mui de moda (y de xuro que nel futuru tará más tovía) facer un cursu per Internet. El cada vez menos tiempu llibre del día a día, fae que’l cursu online seya muncho más adaptable y fácil de facer pal alumnu.

Y ¡tachán! Mayestros, escolinos, presentóvos… ¡Dokeos! Software llibre tornáu al asturianu 😀

¡Con Dokeos podemos criar un cursu per Internet n’asturianu! Ye mui fácil de remanar, teniendo los roles de mayestru y escolín. Hai lleiciones, esámenes y un garrapiellu de ferramientes online p’aidar al escolín: chat, foros, xubida de documentos, wiki collaborativu, enllaces, grupos, calendarios, cuadernos de notes… ¡Too porque un bon deprendimientu n’asturianu per Internet seya posible! 😀

Faese too dende un restolador web, y ye tan cenciello como usar una páxina web.

Si quies instalalu, necesites un sirvidor (Ubuntu Server o Debian son una perbona opción llibre), y baxar Dokeos (Si necesites más información/asesoramientu, avisanos y esplicamóstelo más).
En too casu, tamos camentando (ye sólo una idega agora mesmo) en criar un sirvidor nós pa compartir con asociaciones que ten interesaes en dar un cursu online, colo que sólo te preocuparíes en criar el cursu. Si tas interesáu, ponte en contautu con nós 🙂

Panel mayestru

Lleición

Calendariu

El día 21, nel taller d’instalación n’Uviéu, espérate esto 😀

Nota: Softastur sigui trabayando na OpenOffice y esperamos que na siguiente versión te n’asturianu. Mientres puedes disfrutar cola GNOME Office n’asturianu 😉

Música por Xera.

Fae muncho tiempu los políticos y medios de comunicación quieren engañanos cola fórmula de piratería = delitu.

Asina que voi esplicavos lo qu’hai, porque ciertamente n’Internet muncha xente diz coses, pero nun lo demuestren…

La llegalidá/illegalidá güei.

Los gobierninos tienen cada día más miéu a dalgo nomao Internet. Esta ablucante ferramienta permite por primer vegada l’espardimientu de la cultura y conocimientu como enxamás conocimos (¿ye raro eh? miéu al conocimientu… -no comments-). Pero claro… la cultura hoi en día ye tamién capitalista, y onde ta’l capital aparecen toa triba de carroñeros. Fae tiempu’l gobiernu del Estáu nos la metió doblada (y ensín vaselina) col canon totalmente inxustu pa les arques de la SGAE pagao por tolos ciudadanos.

Y equí quiero aclarar la situación respeuto a la piratería:
Baxar películes, llibros y música YE LLEGAL.
Baxar software privativu YE ILLEGAL.
¿Por qué? Vamos a ello:

Les películes, llibros y música tan amparados embaxo la copia privada (que permite la reproducción d’obres ya divulgaes pa usu priváu del copista), según la Llei Orgánica 10/1995 del códigu penal, del 23 de payares, Capítulu XI, artículu 270:

Será castigado con la pena de prisión de seis meses a dos años y multa de 12 a 24 meses quien, con ánimo de lucro y en perjuicio de tercero, reproduzca, plagie, distribuya o comunique públicamente, en todo o en parte, una obra literaria, artística o científica, o su transformación, interpretación o ejecución artística fijada en cualquier tipo de soporte o comunicada a través de cualquier medio, sin la autorización de los titulares de los correspondientes derechos de propiedad intelectual o de sus cesionarios.

Equí resáltovos la clave: con ánimu de lucro y en perxuiciu de terceru. Ye dicir, si tas distribuyendo/compartiendo (al poner un ficheru nel Amule por exemplu) conmigo, tamos jodiendo a un terceru (la discografica) pero ni tú ni yo tenemos ánimu de lucru (ya que tú nun ganes na, ni yo tampoco).
Al nun cumplise les dos coses, nun s’aplica esti artículu a les baxaes d’Internet y polo tanto NUN YE DELITU.

Pero la baxada de software privativu nun ta amparada pola copia privada al necesitar autorización del autor o distribuidor del software que ta patentáu, polo que SÍ YE DELITU. Contemplandose pola mesma Llei anterior, pero pol artículu 273:

Será castigado con la pena de prisión de seis meses a dos años y multa de 12 a 24 meses el que, con fines industriales o comerciales, sin consentimiento del titular de una patente o modelo de utilidad y con conocimiento de su registro, fabrique, importe, posea, utilice, ofrezca o introduzca en el comercio objetos amparados por tales derechos.

Asina qué periodicuchos/TV/radios, dexa-y d’intentar engañanos.

La llegalidá nel futuru.

Güei la Xunión Europea aprobó una reforma a la llei escontra nosotros, los ciudadanos.
¡Good for them!… fios de p…

Entre otros aspectos, permitirá cortar el acceso a Internet sin autorización judicial a quien ‘piratee’ música, películas u otros archivos protegidos por derechos de autor, sin necesidad de una autorización judicial previa.

Pero ya sabemos 😉 que la música y películes NON tan protexíos n’España, pudiendo baxalos d’Internet, polo que prima la llei Española sobre la Europea nesti tema, y agora mesmo YE LLEGAL baxar d’Internet.

El problema ye la poca personalidá del Gobiernu d’España, que lleva tiempu queriendo camudar l’artículu 270 pa que sí seya delitu baxar per Internet, favoreciendo a sociedaes de drechos d’autor y discografiques.

Nós como ciudadanos, somos los que ponemos a los impresentables que lluéu espublicen lleis escontra nosotros mesmos. ¡Digamos basta! ¡Que-yos den! ¡Cultura siempre llibre!

Más información equí, equí y equí.

Edición 3 Avientu: La blogosfera revelase escontra’l Gobiernu.

La comunidá del software llibre tién el vezu antiguu de pone-y nomes recursivos al software desendolcáu. Asina, GNU quier dicir GNU not Unix; pero hai munchos más exemplos d’esta triba de nomes humorísticos, como PHP, LAME o Wine.

Nel casu del llibru The Art of Community, de Jono Bacon, la recursividá va un pasu más lloñe.

Jono Bacon

L’autor, que ye l’encargáu de la Comunidá d’Ubuntu, esbilla nel llibru les claves pa construyir una bona comunidá, el distintu tratamientu que se-yos tién que dar a les distintes tribes de comunidáes, les claves pa facer una comunidá fuerte, les ferramientes afayadices pa que la información circule… o les maneres d’enfrentase a los problemes cuando estos apaecen.

Otru puntu perinteresante ye la manera d’evitar el queme de les persones cabezaleres d’una comunidá: deteutar les primeres señales y cómo actuar cuando apaecen.

Sicasí, lo más interesante del llibru ye que quier ser recursivu: ta escritu por una persona encargada d’una comunidá y estudia les comunidáes… pero ta fechu col envís de que la comunidá siga realimentando el llibru que, como diz el mesmu Jono, nun ye una obra finada. Pa ello The Art of Community véndese como un llibru cualquiera (en Amazon, por exemplu, de verdá paga la pena tener una copia pa consulta), pero O’Reilly tuvo d’acuerdu en qu’el llibru tuviera una llicencia Creative Commons que permite descargalu de baldre y contribuyir a meyoralu, por exemplu na web de la comunidá del llibru.

Pola parte mala, de momentu ta namái que n’Inglés. Pero cualquiera sabe, tornar 300 y pico páxines ye un momentín si se fai en comunidá 😉 Y ye una erbía igual d’afayadiza pa construyir una comunidá de sofitu a un sistema operativu como pa lliberar de pilancos una comunidá de sofitu a una llingua.