Archivu de la categoría ‘Ensin clasificar’

Desaniciar la cuenta de Facebook

26 d'Agostu de 2009

Lo que debiere ser fácil, conviertese n’anubríu nesta famosa rede social.
Hai varies coses que me molesten abondo d’esta triba de redes sociales, y nel casu que nos interesa, Facebook.

  • Nun-y veo utilidá. La única, ver que-y va pasando a decenes de persones d’un vistazu… pero’l preciu a pagar pola privacidá ye demasiao grande.
  • Copien los datos webs paraleres (cómo 123people.es), ensín el to consentimientu y polo tanto pierdes el control sobro los tos datos.
  • La falta de privacidá, teniendo que poner datos reales pa que los tos collacios t’atopen (dexaría de tener xacíu si nun pusieremos los nuestros datos).
  • El serviciu en sí tien una intromisión ablucante, rellacionandome con xente perbien, pero si nun quies que faiga eso…
  • Ser amigu, fan, del grupu X, de poco val. Debería nomase “Rede asocial”, la mayoría de la xente nun la conoces en persona, y perder tiempu nesta triba de webs, nun me parez que seya tolo “social” que debería ser.
  • La pérdida de tiempu personal que supón lo dicho nel puntu anterior, cada vegada hai más servicios qu’atender n’Internet, asina que prefiero centrame nos que realmente me presten y veo útiles.
  • La dificultá de date de baxa del serviciu.
  • ¿Qué me gusta ser raru y dir escontra corriente, cuenta? Radicalón que ye ún 😛

Bien, de xuro que m’escaezo de dalgún.

Pa date de baxa, parez que’l camín ye fácil y cenciellu: Menú Configuración de la cuenta / Desactivar la Cuenta… ¡pero non! ¡Ehí sólo desautives la to cuenta, nun la desanicies dafechu!! Si vuelves a entrar, tendrás tolo que teníes, na fué esborrao.

Si lo que quies ye que la to cuenta seya esborrada pa siempre, tienes que dir a esti enllaz perescondíu:
http://www.facebook.com/help/contact.php?show_form=delete_account
Nel plazu de 14 díes ensín que vuelvas a entrar, toles tos semeyes, páxines nes que yes fan, comentarios… serán desaniciaos 😉

Vía: xeduced.

Los siete pecaos de Windows

26 d'Agostu de 2009


La Free Software Foundation, una de les organizaciones más importantes del mundu na defensa del software llibre acaba d’echar andar la campaña Windows 7 sins a imaxe de la pernomada campaña BadVista

Los siete pecaos son:
1. Envenena la educación.
2. Invade la to privicidá.
3. Implanta un monopoliu.
4. Fuerza a actualizaciones costoses.
5. Estroza los estándares.
6. Refuerza los sistemes Xestores de Restricciones Dixitales (DRM).
7. Amenaza la seguridá del usuariu.

Visita la so web pa más información windows7sins.org

OpenShot, Editor de videu

25 d'Agostu de 2009

Munches vegaes entrugáronme por un editor de videu asemeyáu al Windows Movie Maker.
Si bien esisten Pitivi, Kino, Kdenlive y auténtiques opciones profesionales como Open Movie Editor y Cinelerra, nun atopé enxamás una aplicación que seya mui cenciella y permita una edición llinial de videu/soníu.
Acabo topar con OpenShot, la cual cumple la facilidá d’usu que queremos. Entá ta nún estáu tempranu de desendolcu, pero promete asgaya.

Ver el vídeu en Vimeo

Dende BarraPunto.

¿Quién desendolca’l kernel Linux?

22 d'Agostu de 2009

Un informe de la Linux Fundation diznos quien fae’l kernel de Linux:
Ente los que más trabayen tan: Red Hat (12,3%), IBM (7,6%), Novell (7,6%) ya Intel (5,3%).
Un 18,2% del desendolcu ye gracies a persones independientes.

Destacar que’l núcleu 2.6.30 ya tien 11 millones y mediu de llínies de códigu, y cada día faense 13.000 llínies nueves, esborrense 5.000 y camudense 3.000.

Fonte: Barrapunto.

Les “falses” razones de Patxi López pa mercar 20.000 ordenadores con Window$ y Office

20 d'Agostu de 2009

Escepcional análisis del incumplimientu de les promeses electorales que nos suelten los políticos, y demostración de les sos mentires.

Nesti casu, el Lehendakari Patxi López prometía’l sofitu y usu del software llibre, y paradoxicamente mercará l’alministración vasca 20.000 llicencies de Window$ y Micro$oft Office.

¿Qué meyor qu’oyir les sos pallabres y la demostración de la so falsedá? Ehí van, nun tienen desperdicíu:

Primer mentira: “los ordenadores van tener un arranque dual, Ubuntu con OpenOffice o Windows con Microsoft Office

Ver el vídeu en Youtube

Segunda mentira: “Escueyese’l software de Micro$oft porque ye l’únicu que taba n’Euskera

Ver el vídeu en Youtube

PD: Les mios felicitaciones al autor d’estos videos.

Vía: MedinaPatasArriba.

¿Qué ye Linux?

12 d'Agostu de 2009

Que ye Linux, de manera amena y prestosa 🙂

Ver el vídeu en Youtube

Vía: PillateUnLinux.

¿Cuanta xente usa Ubuntu n’asturianu a diariu?

12 d'Agostu de 2009

Fae tiempu echávemos cuentes de cuanta xente tenía Ubuntu instalao n’asturianu.

¿Pero aproximadamente cuanta xente usa Ubuntu n’asturianu a diariu?

Existe la web oficial Ubuntu Popularity Contest, pero ta permal pa lleer los miles y miles de llínies de paquetes qu’amuesa. Por ello, dellos usuarios d’Ubuntu criarón la web Package stats analyzer, onde guetar l’usu de paquetes ye muncho más fácil.

Nella guetamos pol paquete n’Ubuntu de la nuestra llingua: language-pack-ast, y agora interésanos en llugar de cuantes vegaes foi instalao, l’hestorial de cuanto usáse regularmente:

Vemos que’l día 11 usen esti paquete regularmente 56 persones, con esta cifra albidramos (aproximadamente) cuanta xente como mínimo usa Ubuntu n’asturianu.

Hai 1.191.132 persones nel mundiu qu’usen Ubuntu y tienen activao unviar estadistiques anónimes a Canonical.
(56 / 1191132) * 100 = 0,0047%
56 Persones qu’usen l’asturianu y unvien estadístiques anónimes, son el 0,0047% del 1.191.132 qu’usen Ubuntu y unvien estadístiques anónimes nel mundiu.

Fae meses (de xuro qu’agora ye muncho mayor, pero vamos tirar polo más baxo posible), usaben Ubuntu unos 8 millones de persones nel mundiu.

El 0,0047% de 8.000.000 ye 376 persones mínimo qu’usen Ubuntu n’asturianu de manera regular.

PD1: Interesante tamién que’l númberu d’instalaciones de la llingua asturiana duplícose dende fae casi un añu.
PD2: El númberu de xente qu’usa Ubuntu nel mundiu de xuro que ye muncho mayor que l’antigua cifra de 8 millones, pero al poder baxase y copiase dende decenes de maneres posibles, saber el númberu exautu nun ye posible.

Install Party n’Ibias

8 d'Agostu de 2009

Softastur ta presente dientro de los Cursos de Branu que l’Academia de la Llingua desendolca n’Ibias (En Santantolín).

Si quies instalar Ubuntu namás te tienes qu’averar a la Llibrería a partir de les 17 hores de llunes a vienres.

Amás, Softastur dió la selmana pasada una charra al alumnáu de los cursos sobre los Proyeutos de traducción de software n’asturianu desplicando qué ye Softastur, Ubuntu y cómo se torna software al asturianu.

Linux4WindowsUsers – Llibru pa entamar con Ubuntu

4 d'Agostu de 2009

¿Tovía cuestate pasar dende Windows a Ubuntu?

Con esti manual en castellanu, camentáu pa los usuarios que pasen dende Windows a Ubuntu, y tovía-yos cuesta, too será muncho más fácil 😉

Vía: FORAT.

Xera llibera’l so 2ᵁ trabayu Tierra

1 d'Agostu de 2009

Baxo llicencia Creative Commons Xera faenos esfrutar del so 2ᵁ trabayu perbonu: Tierra.

Si quies oyilu de baldre, calca equí.

La presentación va ser el día 23 de setiembre nel Teatru de la Universidá Llaboral de Xixón a les ocho la tarde.

Si te presta, por favor, merca-yos el discu, ye la forma de collaborar pa que sigan espublizando 😉