A vegaes nun nos cabe una peli o archivos grandes en un llápiz, CD, ¿disquete? xD y necesitamos dixebralu en varios más pequeños (daqué como Hacha en Windows).

Dende la terminal:
split -b100m peli.avi peli_cachu

Esto crianos cachinos de 100MB col nome peli_cachu, qué dempués xuntamos con esti otru comandu:
cat peli_cachu* > peli_xuntada.avi

Mañana sábadu 21 de marzu del 2009, a les 12.15 de la mañana, el programa Nós de la TPA presentáu por Próspero Morán, presentará la primer Install Party n’asturianu en Candás fecha por Softastur 🙂

Editáu’l 21 marzu 2009, 16:30 hores: Como bien nos diz Rieḷḷu ta xubíu a Youtube 🙂 Dexóvos el videu.

Ya hai feches pa Ubuntu 9.10 🙂

• 14 de Mayu de 2009: Alpha 1.
• 11 de Xunu de 2009: Alpha2.
• 23 de Xunetu de 2009: Alpha 3.
• 13 d’Agostu de 2009: Alpha 4.
• 03 de Setiembre de 2009: Alpha 5.
• 17 de Setiembre de 2009: Alpha 6.
• 01 d’Ochobre de 2009: Beta.
• 22 d’Ochobre de 2009: Release Candidate.
• 29 d’Ochobre de 2009: Versión final.

Interesante gráficu nel que vemos la evolución de les distribuciones 🙂

Ensín sudo:
asturies@asturies-desktop:~$ apt-get install oficialidá
E: Nun puede abrise ficheru bloqueáu /xunta/drechos_ya_igualdá/bloqueaos - abrir (13 Permisu denegáu)
E: Nun puede bloquease'l direutoriu d'alministración (/xunta//drechos_ya_igualdá/bloqueaos), ¿yes Ruth?


Con sudo:
asturies@asturies-desktop:~$ sudo apt-get install oficialidá
Lleendo llistes de drechos fundamentales... Fecho
Faciendo árbol de dependencies
Lleendo información d'estáu... Fecho
Los siguientes DRECHOS fundamentales serán instalaos::
oficialidá llibertá
0 actualizaos, 2 instalaos dende cero, 0 a desaniciar y 0 non actualizaos.
Necesitase la revolución de 1000K d'asturianes/os.
Dempués d'esta operación, 1000K asturianes/asturianos serán llibres de falar na so llingüa.
Algamando: http://drechos_fundamentales_d'un_asturianu/oficialidá_0.0.1
(Lleendo base de datos... 2 ficheros instalaos)
Afitando oficialidá... DAFECHU
asturies@asturies-desktop:~$

Dedicáu a Xaime, de Munduxaime

El meyor mou d’algamar una cosa, ye testeroniar, aporfiar si fai falta, ser neciu, más neciu que la cabra’l monte, o que David Meca… d’eso sabemos muncho los asturfalantes.

La xente que programa “aptitude” son xente con bon humor, y tiénennos preparáu un Güevu Pintu. Pa velu, fáense bien de rogar. Hai d’insisti-yos, aporfia-yos una y otra vegada, pero a la fin, amuésennoslu. (Nota: ye necesario que tengáis el anovador del post anterior al día. Polo menos fai falta la versión 5). Vamos p’allá:

Abrimos el terminal y ponemos:

aptitude moo

y darános un primer mensax, que pa ún que nun seya asturianu, sedría bastante. Pero non.. nós somos incansables. Vamos probar agora con:

aptitude -v moo

Y tendremos otru mensax! Aḥá! Vamos poner agora:

aptitude -vv moo

Y otru mensax. Esto mola…. pero voi dexavos a vosotros siguir. Siguir amestando “v“…. a ver a ónde llegáis. 😀

Cada dos o tres meses, Launchpad unvía unos paquetes de llingua, coles caberes versiones. D’esti mou un usuariu de la llingua “X” tendrá les caberes tornes pa la so llingua. En Softastur trabayen que da miéu, y esi plazu de 2-3 meses hasta que lleguen les nueves tornes, fáise mui grande. Ye por ello que gracies a Marquinos, disponemos agora d’una ferramienta pa tar siempres a la última.

Lo primero que facemos ye descargar el programa dende equí.

Descargámoslu por exemplu nel escritoriu. Una vegada fecha la descarga, veremos que’l ficheru ye un .deb Fai doble click nél, y autoinstalaráse (pediráte contraseña 😉 )

Agora vamos a Sistema–>Alministración y veremos el nuevu programa “Anovador al asturianu d’Ubuntu” Abrímoslu, y saldrános esta ventana:

Lo primero darémos-y al botón “Comprobar” pa saber si hai versiones nueves. (Si ye la primer vegada que lu executes, de xuru habrá versiones nueves…. yá vamos pela 5) Y llueu darémos-y al botón de “Anovar“. Tres d’unos instantes (30-60 seg, dependiendo de la velocidá y el sirvidor….) tendremos anovaos tolos nuevos paquetes que se tengan fecho en Launchpad nos caberos díes, ensin tener qu’esperar a que ellos los manden, colo que’l nuesu Ubuntu, tará muncho más empapáu de Llingua.

Los programes qu’anova l’Anovador 0.0.7 son:

• Ubuntu (Dende la versión 8.04 n’alantre).
• Firefox (Dende la versión 3.0.6 n’alantre).
• Gmail Notify
• LastFM

Gracies a esta aplicación ya nun tienes que peleate descomprimiendo ficheros como root, o preocupate de cuando s’anoven les tornes.

¡Munches gracies, Marquinos! 😀

Puedes baxar dende los foros n’asturianu de Nastur.com un paquete de voces n’asturianu pal Tomtom.

Con sólo descomprimir el ficheru .chk nel direutoriu Voices del Tomtom ya podremos esfrutar los nuestros viaxes col GPS falándonos n’asturianu (voz de muyer) 😀

Val pa cualisquier módelu de Tomtom qu’use los ficheros .chk.

El pexe grande arrebexa escontra’l pequeñu…. ¿Fame? ¿Miéu?

Microsoft presentó una demanda escontra TomTom, fabricante de ñavegadores GPS p’automóviles, argumentando que la empresa viola 8 patentes propiedá de Microsoft. Los preseos TomTom executen una versión del sistema operativu Linux. Microsoft asegura que Linux viola polo menos 3 d’estes patentes.

“Microsoft namái tien presentao trés demandes por patentes na so hestoria, y ésta ye la primer na que participa Linux”, dixo Horacio Gutiérrez, Vicepresidente y Conseyeru a cargu de la estaya de Propiedá inteleutual de Microsoft. Suxirió que’l códigu Open Source “nun ye’l busilis d’esta aición”.

Pela escontra, la demanda sobro patentes de Microsoft diz que TomTom ta usando software propietariu. TomTom, según Gutiérrez, desendolca productos basaos na combinación de códigu propietariu y Open Source. La Linux Foundation, pela so parte, amosó na so total disposición sobro cualesquier reclamación n’escontra de Linux. “La Linux Foundation ta trabayando n’estrecha andecha colos nuesos socios de la Open Invention Network y los nuesos miembros, y ta tresnándose pa cualesquier reclamación escontra Linux”, dixo’l direutor executivu de la fundación, Jim Zemlin nún comunicáu. “Tenemos un gran enfotu sobro les bases nes que nos sofitamos. Desafortunadamente estes reivindicaciones son un so-productu del nuesu sistema empresarial y llegal actual. Per agora tamos adicando bien de cerca la situación y tamos dispuestos a montar una defensa pa Linux, en casu de ser necesaria”.

vía http://www.historiasdequeso.es/

De veres, la diferencia ente Linux y Windows ye que Linux ye como una mocina guapina, hay que conquistala, entendela y seducila, mientres que Windows ye como una prostituta, tienes que paga-y y sobre too, protexete bien.

Vía: Lineup