El restolador de ficheros Nautilus, vien por defeutu en Lucid Lynx, con un sistema de navegación por botones, col que vamos restolando pente les carpetes (exemplu):

|  home   |  el_to_usuariu  |  descargues  |  documentos |

Pero entá esiste la posibilidá de facelo por testu, (como en karmic, y versiones anteriores d’Ubuntu).

Esti mou, a mí préstame más, porque por exemplu, ufre la posibilidá de copiar y pegar la direición nuna terminal. Como pa gustos hai colores, y too ye personalizable n’Ubuntu, si lo que quies ye ver el testu na barra de navegación, namás tienes que calcar ALT+F2, y abriráse esta pantalla:

Escribimos gconf-editor na caxa, y calcamos en “Executar”

Agora abriráse otra ventana, y na estaya allugada a manzorga, vamos a apps–>nautilus–>preferences  y activamos la caxella (a mandrecha) que diz:  always_use_location_entry

Zarramos y llisto. Tendremos la barra de navegación ensin botones, como na figura nᵁ 2

Esti artículu espublizóse'l 2 de Xunu de 2010 a les 2 de Xunu de 2010 y ta guardáu en lucid, Trucos, Ubuntu. Etiquetes: barra, botones, lucid, navegación, testu.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.