Asoleyáu LibreOffice 3.4.2

The Document Foundation vien de dar anuncia del llanzamientu de la versión 3.4.2 de LibreOffice.

Esta versión se considera que ye estable pal usu por particulares y empreses; sicasí s’encamienta que empreses con un gran volume de documentos cunten con sofitu téunicu profesional pa facer la migración, o qu’esperen pola versión 3.4.3 qu’apaecerá a fines d’agostu. L’enllaz a la páxina de descarga ye esti.

Per otru llau, se recuerda que’l plazu pa presentar ponencies pa la Conferencia de París, que tendrá llugar ente’l 12 y el 15 d’ochobre termina’l 8 d’agostu. Si vos peta dir a la Conferencia, el plazu p’apuntase terminará a finales de setiembre.

2 comentarios al rodiu de “Asoleyáu LibreOffice 3.4.2”

  1. Sr. Hessen diz:

    Hola, bones tardes: Toi bien agusto con esti Llibre Office, pero voi faer una entruga, si quiero faer daqué en castellán cómo puedo facer pa me lo corrixa en castellán, si tengo ubuntu n’asturianu… Un saludín uvieín.

  2. Xuacu diz:

    Perdona la tardanza cola rempuesta, se ve qu’entá tenemos el ritmu de vacaciones…

    Tocante a lo que preguntes, pa cada llingua que quieras usar nun ye más qu’instalar los paquetes de diccionarios, dixebra de sílabes y «thesaurus» (nun sé como traducir esto, ¿gramática?). Respeutivamente se llamen myspell-xxx, hyphen-xxx y mythes-xxx, onde la xxx ye’l códigu de llingua.

    Como pal castellanu nun esiste más que myspell habría qu’abrir un terminal y escribir:

    sudo apt-get install myspell-es

    O instalar el paquete dende un xestor de paquetes cualesquiera. Y yá ta 🙂

    Un saludu y munches gracies por usar LibreOffice.