«
»

Activar doble panel en Nautilus

UBUNTU FÁCIL

Vamos ver cómu poner un doble panel na ventana de Nautilus. Igual munchos de vosotros trabayáis coles llingüetes de Nautilus pa dir moviéndovos ente les carpetes del sistema. Esta ye una bona funcionalidá que permite movese bien rápido. Na semeya que vos pongo, puede vese un exemplu con 3 llingüetes:

Pero les llingüetes, nun dexen ver el conteníu d’otra carpeta al empar, y de xemes en cuandu lo que queremos ye tener varies carpetes vistes…. lo que vamos ver nesti post, ye cómo poner un doble panel, mui útil nestos casos. Toi falando d’esto:

Pa facelo, el métodu más rápidu ye’l siguiente. Abrimos una terminal (Aplicaciones—>Accesorios—>Terminal) y nella escribimos:

sudo add-apt-repository ppa:berndth/ppa

(esto yera p’amestar los repositorios que necesitamos) Agora, vamos a anovar y escribimos:

sudo aptitude update

y xusto dempués, escribimos esto pa instalar nautilus:

sudo aptitude install nautilus

Fecho!

P’activar el doble panel, vamos a Ver—>Extra Pane , como amuesa la imaxe.

Si nun se vos activó, ye porque nun s’anovó Nautilus dempués d’amestar los repositorios. ¿Qué facer? Fácil. Vamos a Sistema—>Alministración—>Xestor d’anovamientos y pente los anovamientos tendremos que ver esto:

Instalamos, y dempués, mandarános reaniciar l’equipu. Fecho esto, yá tendremos activa la función del doble panel. 😀

Qu’esfrutéis

Esti artículu espublizóse'l 30 de Payares de 2009 a les 30 de Payares de 2009 y ta guardáu en Noticies.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

7 comentarios al rodiu de “Activar doble panel en Nautilus”

  1. Maki diz:
    9 de Avientu, 2009 - 17:29

    Probei esto

    sudo add-apt-repository ppa:berndth/ppa

    Dizme esto

    sudo: add-apt-repository: command not found

    Alguna idea?

  2. marquinos diz:
    9 de Avientu, 2009 - 18:27

    Bones Maki 😉
    Parezme qu’esti métodu d’instalar sólo furrula na cabera versión d’Ubuntu 9.10 karmic o posterior.
    ¿Ye la que tienes?

  3. Maki diz:
    10 de Avientu, 2009 - 01:14

    Ye que voy pola versión de Canarias, así que nada. Intenté instalar los paquetinos sueltos y ahora tengo el escritorio fechu una llaceria. Así que aprovecharé para poner Ubuntu en hora. Aprovechando la situación actualizaste o instalaste de 0? Tengo males experiencies actulizando otras versiones y casi siempres lo hago de 0, no se como irá esta

  4. Astur diz:
    10 de Avientu, 2009 - 13:52

    Home, si tienes una versión anterior, (nun sé cual ye la de Canarias, supongo que será la 9.04 😀 ), igual te sirvi esto:

    http://installubuntu.blogspot.com/2009/09/tener-doble-panel-en-nautilus.html

    En Tapaponga les coses que ponemos (sacantes que se diga lo contrario) tán feches siempres pa la cabera versión. (Yo nun prebé esi métodu. Tengo la 9.10) A ver si tienes suerte agora.
    Saludos

  5. Astur diz:
    10 de Avientu, 2009 - 13:54

    y esto:

    http://gnometips.blogspot.com/2009/09/nautilus-vista-de-doble-panel-howto.html

  6. Maki diz:
    10 de Avientu, 2009 - 17:03

    Si tengo la 9.04, ese lo probé instalando los .deb sueltos pero me dio un problema y el escritorio fai coses rares como desaparecer (trasgus ellectrónicos!?!). Na, toy intalando Karmic, ya os cuento

    Mil gracies!

  7. marquinos diz:
    10 de Avientu, 2009 - 19:01

    Val 🙂 Cuentanos, casi de xuro que seya eso, l’instalar direutamente con APP creo remembrar qu’entama na 9.10.
    Aunque na 9.04 parezme que podíes instalar el paquete que permite eso, pero nun se cual ye :S
    ¡Un saludu!