«
»

Manual percenciellu: Cómo tornar Ubuntu al asturianu

Muncha xente tien miéu de tornar Ubuntu, camentando que ye díficil, complicao o que nun sabe inglés. ¡Tornar Ubuntu ye perfácil! 😉 Nun ye díficil, ni complicao ni fae falta saber inglés.

Tener un sistema operativu n’asturianu ye sólo cuestión de voluntá de los sos falantes. Y la comunidá asturiana cada vegada demanda y puxa más pol software llibre n’asturianu. ¿Quies echanos un gabitu?

Ubuntu ufrénos una web percenciella onde poder tornar dende cualisquier llingua al asturianu, y dende cualquier sistema operativu, tanto Ubuntu, Windows, Mac… ¡Sólo necesites un restolador web!

Ye perimportante aclarate que naide obliga a tornar X frases, ni tienes un tiempu pa facer X frases: Puedes tornar dende 1 frase fasta les que quieras, nel momentu que quieras 😉
Softastur existe pa coordinar estes tornes, pa saber cuales son prioritaries.

Dexámosvos un manual en PDF nel que desplicámoste lo percenciello que ye tornar, dixebráu en 2 partes: L’alta del usuariu y como faeríes pa tornar nel día a día. Pa baxalu calca nel iconu d’embaxo o equí.

¡Animate! ¡Necesitamos del to sofitu! Cuantos más seamos más calidá de tornes y enantes finaremos Ubuntu dafechu 😀

Esti artículu espublizóse'l 18 de Mayu de 2009 a les 18 de Mayu de 2009 y ta guardáu en Ensin clasificar. Etiquetes: , , , .
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

5 comentarios al rodiu de “Manual percenciellu: Cómo tornar Ubuntu al asturianu”

  1. chus diz:
    18 de Mayu, 2009 - 14:24

    Yo tuve allí. Tuve allí y salí encantáu col portatil debaxu el brazu y col Ubuntu a estrenar. Ficieronme el trabayu, enseñaronme les cosuques básiques, dispuestos a contestame les entrugues que tuviera, y agradables. Saludos y GRACIES por too.
    Posdata. Toi encantáu con mi nuevu xuguete.

  2. marquinos diz:
    18 de Mayu, 2009 - 14:34

    Gracies a ti Chus 😉
    Y una alvertencia…
    ¡Cuidaín qu’envicia!! xD

  3. astur diz:
    18 de Mayu, 2009 - 14:52

    Gracies Chus. Agora, pocu a pocu, dirás avezándote cada vegada más a Ubuntu, verás que, como vos dixi nos cursos, ye percenciello too. Y pa les coses que nun sepas, equí tienes a una comunidá pergrande dispuesta a echate un gabitu en tolo que necesites. Póngote equí el nuesu mail pa que nos avises colo que seya: http://softastur.org/contautu.php

    y dígote lo mesmo: cuidaín, qu’envicia.!! 😀

  4. Dangerous Piper diz:
    18 de Mayu, 2009 - 17:29

    Astur edité el to comentariu y punxe el formulariu. Evita soltar el corréu en sitios públicos porque si non los garren los robots de los spamers y yá hai abonda puxarra na mio cuenta de corréu 😉

  5. Ta pa Ponga » Archivu del blogue » Escoyer plataforma pa criar un blogue n’asturianu diz:
    22 de Payares, 2012 - 18:04

    […] les tornes de la comunidá en Launchpad, queda una migaya por tornar, si t’animes a finalo ye perfácil nesti casu pa WordPress en llugar de pa […]