Perinteresante opción esti depósitu de material y recursos pa les iniciatives de la comunidá d’Ubuntu 🙂

P’actualizar un sólo ordenador, lo más cenciello ye abrir el xestor d’actualizaciones, y que baxe l’anovamientu 😀

Pero si tienes que facelo offline nun puedes,  o en varios baxar 900 megues en cada un ye cansino. Lo meyor n’esti casu ye descarga la versión “alternate” y grabar esa imaxe .iso nun USB.

Nun duldes en lleer toles posibilidaes nes istrucciones oficiales d’Ubuntu p’actualizar 😀

Ayer Softastur fizó per primer vegada una Install Party n’asturianu.

Perinteresante fue atopase en persona con munchos del equipu que tan tornando Ubuntu a la nuestra llingua y ponenos unos a otros cares y nomes 😀 ¡Gracies por asistir! 😉

Tamién istalar GNU/Linux a quienes vinieron col ordenador, y esperar que descubran un mundiu inabarcable de llibertá, coles ventaxes que conlleva 😉 Primordialmente’l tecláu asturianu y la llingua de nos. ¡Gracies por atrevevos a dar el saltu! 😀

Dexamosvos les semeyes 😉 Tamién podreis venos na TPA nel prósimu programa de “Nós” 😉

(más…)

Si quies probar más temes fechos pola comunidá pa la versión d’Intrepid puedes istalalos dende la terminal:
sudo aptitude install community-themes

Añadirate temes como esti:

L’editor de videu Cinelerra, nun apaez nos repositorios d’Ubuntu. Pero podemos instalar facilmente Cinelerra Comunity Version (que ye la versión prestosa). Lo primero que vamos facer ye amestar un repositoriu nuevu con esti códigu dende la terminal:

$ echo deb http://akirad.cinelerra.org akirad-intrepid main | sudo tee /etc/apt/sources.list.d/akirad.list && wget -q http://akirad.cinelerra.org/dists/akirad.key -O- | sudo apt-key add – && sudo apt-get update

Y agora pa instalar tenemos delles opciones:

Si el funciones con arquitectures x86 o x86_64 ensin soporte opengl

$ sudo aptitude install cinelerra

Si trabayes con x86 o x86_64 pero si tienes una tarxeta con opengl

$ sudo aptitude install cinelerra-generic

Si trabayes con amd32 ensin opengl

$ sudo aptitude install cinelerra-k7

Si tienes amd32 con opengl

$ sudo aptitude install cinelerra-k7gl

Y si tienes amd k8 con opengl

$ sudo aptitude install cinelerra-k8

Amás tamién puede amestar nueves transiciones con

$ sudo aptitude install cinelerra-swtc

Cinelerra ye un editor pa usuarios avanzaos, si quies facer coses sencilles nos repositorios d’Ubuntu dispones d’editores más fáciles d’usar como PiTiVi o Kino.

Güei tocome poner Rhythmbox, el reproductor de música que trae la instalación d’Ubuntu. El programa vien preparáu pa lleer la música dende la carpeta Music que apaez nel nuesu direutoriu d’usuariu, pero yo tengo tola música nun servidor y comparto la carpeta por NFS, entós lo primero que fice foi cambiar la ruta al direutoriu onde tengo la música almacenada. Abrimos Rhythmbox y vamos a Editar/Preferencies y calcamos na pestaña música. Equí podemos cambiar la ruta onde tengamos la música y yo de paso marqué que me busque ficheros nuevos que vaya metiendo na carpeta.

Lo segundu que fice foi configurar el mio reproductor de música portatil, lo normal ye que lo detecte de secute, pero nel mi casu ye un reproductor que usa un protoculu raru, en concretu MTP, ye un Samsung YP-U3J. Merquelu porque amás de mp3 reproduz vorbis, formatu que uso bastante. Bono ye bien fácil, voi a Editar/Plugins y activé’l plugin “Portable Players – MTP” y de pasu desactivé’l “Magantune Store” porque nun lo uso y activé “Minimize to tray” pa que al zarra el programa quede reproduciendo na barra del escritoriu.

Agora pa que detecte el reproductor editamos el ficheru /etc/udev/rules.d/libmtp.rules pa poder facelu abrimos una terminal y escribimos:

$sudo gedit /etc/udev/rules.d/libmtp.rules

y copiamos el siguiente códigu (este ye pa Samsung YP-U3J, pa otros buscar modelu+libmtp.rules en google ;-p)

#Samsung YP-U3J
SYSFS{idVendor}==”04e8″, SYSFS{idProduct}==”507d”, SYMLINK+=”libmtp-%k”, MODE=”666″

Reaniciamos Rhythmbox y cuando enchufemos el nueso reproductor ya lo veremos a manzorga pudiendo amestar, quitar y reproducir música…

Pa rematar la cosa, vamos amestar Radio Sele a la llista d’emisores d’internet, en mi casa sientese bastante mal y nun me queda otra que tirar d’internet. Anque puede sentise direutamente dende la web de Radio Sele pa mi ye más cómodu usar Rhythmbox. Calcamos col botón derechu onde diz “Radio” nel menú a manzorga, y calcamos “Nueva estación de radio n’internet…”, abriráse entós un ventanu pidiendo la url de la emisora, nesti casu http://bach.serveisweb.com/RA163 y calcamos “Amestar”. Yá sal nel llistáu pero el nome ye la url, pa cambialo calcamos col botón derechu y escoyemos “Propiedaes” nel ventanu que sal podemos cambiar la opción “Titulu”, y llistu. Pa reproducir calcamos dos vences en “Radio Sele” (o el nome que-y punxeras).

Dende El Replicante atopamos estes perinteresantes pantalles de login pa GNU/Linux. ¡Perguapes!

Mira tú que tarrezco los llunes,.. pero entá más tarrezco los domingos, porque al día siguiente ye llunes. Pues esto ye lo que nos toca ver nel calendariu que trai Gnome. La selmana entama en Domingu, a lo anglosaxón. Por suerte, esto pue camudase y pues poner nel to calendariu que la selmana entame el Llunes (como tien que ser. Y eso que na República Independiente de mio casa, la selmana nun entama hasta’l martes, pero esa ye otra hestoria…)

Pues bono, p’afitar que la nuesa selmana entame en LLUNES, fadremos lo siguiente:

Editamos el nuesu ficheru en locale (que ye au vien lo bonos que somos, y cómo denomamos a los díes de la selmana, cómo nos presta ver la hora, la data… etc). Pa ello abrimos la terminal y escribimos

sudo gedit /usr/share/i18n/locales/ast_ES

y na pantalla que se nos abre, miramos onde venga END LC_TIME.

El testu esautu que pondremos ye’l siguiente first_weekday 2 , y pondrémoslu xusto na llinia enantes de la llinia de END LC_TIME, talo y como s’adica na imaxe:

Fecho esto, Guardarmos y zarramos.

Agora vamos a aplicar los cambeos. Anovamos los “locale”. Na terminal escribimos:

sudo locale-gen

Y pa finar, rexeneramos los paneles de Gnome. Escribimos:

killall gnome-panel

Y llisto. Nel calendariu, la selmana entamará de llunes.

…que descanséis bien el domingu.

“¿O vais dicime que non?” 😉

Los que tenemos tarxetes grafiques vieyes, nel mi casu una GeForce2 con 32 mb que compré fai 8 años, encontramonos con que la nueva versión de xorg (servidor gráficu) que trae Ubuntu Intrepid ye incompatible col driver de nvidia pa esti tipu de tarxetes. Por suerte nvidia sacó una beta de los drivers pa esta serie de tarxetes que si funcionen cola nueva versión de xorg y Alberto Milone unvio un parche cola nueva beta, nun futuru tará disponible nos repositorios, pero los que nun podeis esperar (como yo) podeis aplicalo vosotros mesmos. Esto funcionome a mi, pero puede que a ti non, si nun tas mui seguru meyor espera a que anoven de los repositorios…

(más…)