¿Nunca t’entrugaste cuantos/es como nosotros tienen Ubuntu n’asturianu?

Si vas al menu /Sistema/Alministración/Fontes del software, na cabera pestaña Estadístiques hai una casilla (desmarcada por defectu), que cuando ta activada unvía a Canonical de manera anónima 😉 qué programes tienes istalaos.

Canonical espublizalo cada selmana na web: http://popcon.ubuntu.com/

Abaxo del too dizte cuanta xente nel mundiu tien activada esa casilla. Agora mesmo: Number of submissions considered: 692.992

Baxamos les estadístiques col comandu wget dende la terminal y miralo col programa Hex Editor (son miles de files que pueden colgate’l navegador o l’Open Office) wget http://popcon.ubuntu.com/by_inst

Y vemos que l’asturianu tien la istalación base de la llingua “language-pack-ast-base” en 1.263 ordenadores que tengan activao les estadístiques.

Facemos la operación de (1.263 / 692.992) * 100 =  0.18% d’ordenadores tienen la llingua asturiana istalada.

Saber cuanta xente usa Ubuntu ye complicao, porque nun hai un rangu de ventes, sinon que se descarga y puede istalase cuantes vegaes se quiera 😉 Estímase que son ente 6 y 12 millones d’ordenadores en tol mundiu. Parez qu’una cifra aprosimada ente tantos millones son 8 millones d’ordenadores con Ubuntu.

¡¡El 0,18% de 8.000.000 son 14.400 persones aprosimadamente!! 😀 😉 que tienen istalao l’asturianu 🙂

Esta entrada va dedicada al equipu de tornadores de Launchpad, que faen posible col so puxu que disfrutemos Ubuntu na nuestra llingua ¡Gracies! 😉

Sorprendeme istalando la versión beta 4 d’Intrepid Ibex, qu’al escoyer tecláu, una de les variantes pal modelu español, ye l’asturiana 😀

Ya nun vamos poder sólo tener Ubuntu en llingua asturiana, tamién tener l’alfabetu l.l y h.

¡Abluco col trabayu d’esbozu de lo que podría ser un futuru tema pa Ubuntu fechu por Will Williams! ¡Quieroluuuuu! 😀 Si quies que seya’l tema por defectu d’Ubuntu, vota en Brainstorm.

¿Apetezte cuntar la to hestoria sobre Ubuntu?
Animate en Ubuntu Story 😉

Un llugar onde la xente pon les sos opiniones de diversos aspectos sobre’l sistema operativu de moda.

Ubuntu ye una distribución de GNU/Linux basada en Debian pa ordenadores d’escritoriu y pa servidores de baldre.
Da-y nome un conceptu africanu que significa lealtá ente les persones, cola creencia nuna conesión ente tolos seres humanos “Humanidá hacia los demás”.

Garró esti principiu pa intentar trasmitir los oxetivos y idegues qu’hai detrás del proyectu, formando el “Manifiestu Ubuntu”, resumiendose en:
1.- Será siempre de baldre, incluso la edición comercial, y toles versiones tendrán la mesma calidá.
2.- Incluyirasen les meyores tornes y opciones d’acesibilidá.
3.- Asoleyarase una versión cada 6 meses. Cada versión tendrá apoyu técnicu polo menos 18 meses.
4.- Comprometíu col desarrollu del software llibre.

Nel branu del 2004, organizose un grupu de desarrolladores de software llibre, que veníen d’otres distros, especialmente Debian, col oxetivu de crear una nueva variante de Debian resolviendo dellos problemes (restriciones polítiques nes nueves versiones, o la burocracia pa camudala).

Nel entamu nomose con gran orixinalidá: No-Name-Yet.com. Equí ye onde aparez Mark Shuttleworth, multimillonariu comprometíu col software llibre, al que-y gustó la idega y financiola, echando un gabitu con 10 millones de dolares, que valieron pa crear Canonical, que ye quien mantien viva la distribución y organización.
Anecdótico ye que www.no-name-yet.com sigue activo 😛 redirecionando a Canonical.

Fué’l 20 d’ochobre del 2004. Esi día too entamó… Mark Shuttleworth anuncia na llista de correu la primer versión pública d’Ubuntu, la númberu 4.10, nomada “The Warty Warthog Release” / “Gochu xabaz verrugosu”.
Esto vien de Debian, que ponía-y nomes a les versiones basándose nos muñecos de Toy Story, y Ubuntu pon-ylu d’animales + un axetivu xD El númberu vien del añu + mes.
4.10 – Warty Warthog 20 d’ochobre de 2004.
5.04 – Hoary Hedgehog 8 d’abril de 2005.
5.10 – Breezy Badger 13 d’ochobre de 2005.
6.06 (LTS) – Dapper Drake 1 de xunu de 2006.
6.10 – Edgy Eft 26 d’ochobre de 2006.
7.04 – Feisty Fawn 19 d’abril de 2007.
7.10 – Gutsy Gibbon 18 d’ochobre de 2007.
8.04 (LTS) – Hardy Heron 24 d’abril de 2008.
LTS significa Long Term Support, que ye un períodu de soporte prolongau.

Significativo ye que en sólo 4 años convirtiose por méritos propios, na distro más popular, respaldada por un gran númberu d’usuarios ya desarrolladores.

Si quies un sobre perguapu pal CD d’Ubuntu 8.04 pa la to coleción d’Ubuntus, o pa regalar a collacios/es, calca na semeya, imprimela, doblala y pegala. Ya sólo te queda meter el CD 😉

¡3! Afina-y los xestores de descarga…
¡2! Preparaos…
¡1! Apunta-y…
¡0 dí­es! ¡A por el!

¡Ya ta disponible la descarga de baldre del NUEVU UBUNTU 8.04, nomau HARDY HERON! 😀

• ¿Cómo descargalu?

1.- Dende’l servidor oficial y mirrors.
2.- Ye perrecomendable nestos primeros dí­es usar la rede Torrent (debí­o al gran númberu de descargues puede ir llento baxar directamente del servidor o que té cayí­u). En too caso, Ubuntu tienenlu muncha xente compartiendo, y baxa xenial per Torrent (Tieneslu nos archivos .torrent al final de la web enllazada).
3.- Nueva posibilidá oficial con Wubi, istalando dende Windows.

• ¿Qué novedaes lleva?

Ente les principales novedaes tan les siguientes:
– Firefox 3 por defectu.
– PulseAudio: Nuevu servidor de soní­u.
– PolicyKit: Meyor control de los provilexí­os d’usuarios.
– Linux Kernel 2.6.24-8.14: Meyores sustanciales nos sistemes de 64 bits.
– Transmission: Cliente de torrents.
– Vinagre: Escritoriu remotu VNC.
– Brasero: Grabador CD/DVD.
– Applet de reló mundial.
– Nueva interface de Recursos del Monitor del Sistema.
– Wubi: Istala Ubuntu en Windows como si fuera una aplicación o istalar dende Windows.

• ¿Cómo istalalu?

Sigue la guí­a: Ubuntu n’asturianu.

¡A disfrutalu! 😉

Tan acabantes d’anunciar na llista de corréu l’espublización d’Ubuntu 8.04 LTS. Podeis descargalo equí.
Voi aprobechar esta versión pa formatear el mio discu duru per primer vegada en tres años, en unos díes diremos sacando artículos sobre instalaciones y configuraciones.

Toca-y trabayar al torrent…

Queden pocos díes pa qu’asoleyen la nueva versión d’Ubuntu: Hardy Heron, numberada como 8.04, y ya se pueden pidir copies en CD 😉

Canonical unvía de baldre’l CD per correu tradicional al to llar, na so política de facilitar l’usu d’Ubuntu a tol mundiu 😀 (Nunes 4 selmanes ya te lleguen).

Pa ello calca na semeya d’embaxo la distribución que quieras:

Ubuntu

Kubuntu

Edubuntu

Sólo requier un rexistru gratuitu 🙂 Eso sí, tampoco abuses d’esti serviciu, por favor. A la empresa cuesta-y perres, y ye col oxetu de facilitar Ubuntu a quien nun tien una bona conesión a Internet.