¡Sí ho! Creo que va siendo momentu de camudar de Linux a Window$

Too un mundiu que nun creyemos seya tan díficil…

¿O sí? xD

Dende la FSF entamen una iniciativa pa fomentar más l’usu d’un formatu llibre Ogg, escontra’l privativu MP3.

¡Apoyamoslos dende equí! 😀

Casi acabante d’asoleyar la anterior versión, otra nueva sal a la lluz: La 0.0.6.

Les meyores:
– Gabitu de Gnome.
– Iconu Tray.
– Soporte pa direciones IPv6.

¡Un saludu!

Tengo un poco abandonao Ta pa Ponga, pero la escusa ye perbona: la nueva versión de Gufw 0.0.5.

Software fechu n’Asturies y n’asturianu 😀 Tamién toi preparando Launchpad pa poder tornarlu a cualisquier llingua y disponer de repositoriu pa Ubuntu 😉

Les meyores nesta versión son abondes, muncho más cenciello nel manexu, más coherente con ufw,  meyorao’l códigu, meyorada la interface, programes y servicios preconfiguraos, más visual con collores nes regles aplicables, páxina web oficial… 😉

8 Millones de descargues en 24 hores permitieron superar el record estableciu de 5 millones 😀

¡Gracies a toos pol gabitu! 😉

Güei estrenu esperau 😀 ¡FIREFOX 3!

A partir de les 19:00 hores n’España entamará l’intentu d’algamar record de descargues en 24 hores 😉

Mañana ye’l día na que se intentará algamar el record de descargues d’un programa n’un sólo día.

L’escoyíu ye la estrella del software llibre: Firefox 3.

Asina, que si te peta 😉 echa un gabitu descargandolu 😀

Asoleyada la versión 0.0.4 de Gufw, la interface gráfica d’usuariu pal ufw 😀

Con meyores na interface y añadida la torna al francés por parte de la comunidá.

Dos de los meyores y más escondíos trucos en Linux son los siguientes 😉

1.- Calcar Alt + botón de la manzorga del mur + Movimientu del mur: Mueve la ventana.

2.- Calcar Alt + botón central del mur + Movimientu del mur: Redimensiona la ventana (En KDE botón drechu del mur en llugar del central).

¡Productividá al poder! 😀

Pa munchos la falta d’un cliente atrativu de messenger pa la rede MSN en Linux ye un tema perimportante.

Yo cada vegada reniego más del messenger, pero de xemes en cuando presta tar “online” 😛

N’Ubuntu siempre usé Pigdin, más bien por falta d’alternatives perguapes qu’otra cosa.
aMSN nunca me convenció.

Pero agora descubrí “emesene“. Un cliente perguapu, simple, funcional 😉

Los pros son abondos: guapura, lliviano, perconfigurable mediante plugins, nos repositorios…
L’único pero que-y pongo ye que sólo contempla la rede MSN, cuando ye una rede privativa y zarrada.

Resumiendo, ¡un emesene perinteresante!!! 😀