A falta de unos 20 díes p’asoleyar la nueva versión Intrepid Ibex, aparecen dos prestosos fondos d’escritoriu 😀 El primeru oficial, y el segundu de la comunidá. Calca n’ellos pa velos más grandes 😉

Pa poder llamar a fixos de 1/2 mundiu a traves del protócolu zarráu de VoipBuster con Ubuntu, viennos preistalao Ekiga.
Pero tenemos un másimu de tiempu pa llamar a teléfonos fixos, y la calidá a vegaes nun ye tolo bona qu’esperamos.

Lo meyor ye llamar ente ordenadores, a traves del protócolu abiertu SIP, usando Ekiga, onde nun vamos tener llímite de tiempu y la calidá ye perbona.

Pa los que teis avezaos a Windows, Ekiga xunto al protócolu SIP,  nun tienen na qu’envidiar a Skype 😉

Pa configuralo, en llugar de crear una cuenta pa VoipBuster, creamosla nel protócolu abiertu SIP.
Pa ello, damonos d’alta n’Ekiga.

Nun tiempu llegará al nuestru email la confirmación d’alta 😉

Ya cola cuenta creada, executamos Ekiga, configurandola col usuariu y clave que pusimos anantes 🙂

Pa que nos llamen, tien que ser al nuestru usuariu, poniendo enrriba: sip:usuariu@ekiga.net

Asina de fácil 😀

Un grupu de hackers, activistes y músicos asoleyen esta canción fecha con ferramientes llibres: ¡No al canón!

A facela la canción del prósimu branu, cagon ros 😉

Saber pa qué s’usa cada directoriu de GNU/Linux ye importante, cobrando sentíu l’entramáu de les carpetes 😉

Con unes botellines enrriba, animome a cuntavos una pequeña hestoria personal ya curiosa, sobre la llibertá del software llibre 😛 que m’incumbió y de la que sali beneficiáu 😀

Fae meses finosé la torna de Firefox 3 en Launchpad… Yo collaboré tornando offline les 1000 frases que quedaben del ñavegador, y cuando dispongome a xubir el .po a Launchpad, resulta qu’Astur adelantose tornándolu a la vez online. Una pena que colos pocos que somos, frayaremos esfuerzos no mesmo 😉

Fae 1 mes, Astur pidíome qu’estudiare como convertir los .po de Launchpad a .xpi de Firefox. Tras unes hores guetando per Internet, atopé la manera, algamando gracies a Softastur que n’Ubuntu, Firefox te n’asturianu 😀 y espublizando la manera nesti blog.

La paradoxa llega agora, cuando enterome fae unos díes, de que Dangerous Piper, garra les tornes d’Astur y el métodu de mio, y adaptales a Windows y Mac. Ufiertándome usar Firefox n’asturianu n’ámbitos como un USB portable pa los cybers o nel trabayu con Windows.

El poder de l’adaptación del software llibre ablucame cada vegada más 😀 Esti ye un gran exemplu d’un trabayu en cadena de xente, nel que un esfuerzu impresionante y altruista, echa un gabitu perimportante a la nuestra llingua 😀 ya la nuestra llibertá d’escoyer 😉

¿Eches de menos la papelera nel escritoriu?

Pa vela ehí y poder arrastrar archivos sobre ella, fae lo siguiente:

Executa na terminal:
gconf-editor

Ñavega a:
apps > nautilus > desktop

Marca:
trash_icon_visible

Entrugábame l’otru día Astur sobre telefonía IP.

Güei puseme a indagar, y atopé una sorpresa bien prestosa 😀 Llamar con Ekiga a traves de VoipBuster, pudiendo llamar 300 minutos a la selmana de baldre a estos países:

Pa ello usaremos el programa open source Ekiga, incluyíu n’Ubuntu (Menú Aplicaciones/Internet)  😉  col protocolu de VoipIP VoidBuster.

Abrimos Ekiga y configuramoslu según la nuestra conesión.

Dempués creamos una cuenta en VoipBuster. Unvíarannos un email pa que confirmemos l’alta.

Agora que somos usuriarios de VoipBuster, n’Ekiga vamos al menu Edit/Accounts y creamos una cuenta asina:

Nome de la cuenta: VoipBuster
Rexistru: sip1.voipbuster.com
Nome d’usuariu: el vuestru nome d’usuariu al davos d’alta en VoipBuster.
Contraseña: La vuestra contraseña d’usuariu al davos d’alta en VoipBuster.

¡Ya ta! Asina de cenciello 😀

Agora pa llamar a un fixu d’esos países ponemos como númberu:
sip:0034XXXXXXXXX@sip1.voipbuster.com

Onde 0034 ye’l prefixu internacional y XXXXXXXXX sustitu-ylu pel teléfonu 😉

Calques nel boton de la drecha (ye como un enchufe), y nunos 10 segundos llamará 😀

Asegurate de poner el volume del altavoz y del micru amediaos na pestaña “Audiu” 😉 Sinon, nun oirás na. Asegurate que la to configuración d’audiu/micro ye correuta tamién 😉

Remembra que con Ekiga, creando una cuenta d’Ekiga, puedes falar indefinidamente ente usuarios online, pero esta configuración será un post aparte 🙂

¡A disfrutalo!

Dende la FSF, tan faciendo campaña pol formatu d’archivu OGG 😀

Esti ye un formatu llibre p’audiu y videu que cada vegada ta usandose más y más, pola so gran calidá 😀

De xuro que  l’usu d’Ubuntu ta influyendo na so estensión, ya que si grabes un videu o audiu, el formatu por defectu ye ogg 😉

Recordavos que’l MP3 ye un formatu zarráu ya propietariu 🙁  Nel qu’esisten casos como’l que Microsoft tuvo que pagar 1.100 millones de dólares a Alcatel pol usu de MP3 en Windows ensín permisu…

¡Yo quiero ser llibre! ¿Y tú? 😉

Esta ye una crítica a dalgunos “profesionales” que tan vendiendo ordenadores.

Ayer la mio prima llamomé, ya que diba mercar un portátil pequeñu. Recomende-y un netbook (l’Asus eee PC 4G, por 220€) ya que tien sobremesa y portátil normal, y pareció-y bona idega, tantu pol preciu como poles característiques.

Al ratu,  llamame alarmada dende la tienda porque’l vendedor d’una pequeña franquicia d’Uviéu nun-ylu recomendaba pa na. Testualmente: “Si pones el emule y messenger, con lo básico que es, no te dejará ni abrir una ventana del navegador…. es para comerciantes que necesitan mostrar catálogos….“.

Tranquilizola, y digo-y que les característiques son iguales al anterior ordenador que tuve yo de sobremesa. Quiero aclarar que yo tengo andao con 1/2 GB de RAM nun procesador a 800Mhz, y tiraba absolutamente too y muncho meyor que con Windows XP, a pesar de lo axustao del harware.

Güei va a una gran superficie de pelis, música y teunoloxía de Parque Principáu a mercalu. Onde “l’espertu” vendedor-y diz que nun lleva la OpenOffice, y acaba empaquetando-y l’Asus eee PC con Windows XP por 50€ más.

Apesadumbrame lo complicao que ye lliberar al mundiu del software privativu, si yendo dalguién a mercar esplicitamente un ordenador con GNU/Linux, los ineptos vendedores faen que recule pa que gaste más perres, dende la so esperta ignorancia.
Muncho más, cuando va a mercase un netbook de calidá contrastada ente verdaderos profesionales.

Esta ye una batalla complicada de ganar, mientres los grandes fabricantes y los vendedores tengan tantu poder, seguiremos nes mesmes 🙁

Obviamente, tamién conocí vendedores profesionales pa quitase’l sombreru, pero hai cada un perehí que… -voy callame meyor- :@