Bien, nel post que vien más abaxo (escritu hai unos díes) Marquinos notificábanos sobro les directrices que-yos dan a los vendedores de Windows. Métenlos nún aula, dan-yos clases de “como vender Windows por un tubu” y alleiciónenlos sobro les coses que tienen que retrucar a un “posible” comprador cuando tien dubies pa escoyer ente “Windows” y “Linux”.

Ente les perles que-yos dicen, pa engañifar al usuariu y que nun se decante por Linux,  sal ésto (podéis vela más abaxo. Concretamente ye la 3er semeya):

“It can be unclear to [ Linux ] users wether or not software updates need to be applied inmediatly or are optional“. Traducción: “Nun queda nidio pa los usuarios [de Linux ] si los anovamientos tienen o non d’aplicase inmediatamente o son opcionales”

Y esto ye coyonudo: Porque n’Ubuntu, cuando tienes paquetes p’anovar divídenlos en

• Actualizaciones importantes de seguridá
• Actualizaciones encamentaes,   (que s’encamienten; non que s’obliguen), y:
• Otres actualizaciones.

Paezme que queda bien claro. ¿non? (O eso, o tán llamando-y tontu al usuariu de GNU)

Pero lo braeramente bono, ye qu’entá tienen la caradura de ponelo en dubia; cuando lo que braeramente habría d’entrugase ye:

¿Daveres les actualizaciones de Windows, son actualizaciones?

Paez qu’esto nun ye asina… Ye más vieyo que la oriella’l ríu.

Vamos ver por exemplu, qué ye pa Windows una  “actualización altamente prioritaria”, y que yá vos adelanto que-yos costó una demanda. Calecío, calecío, recién salío del fornu, lléganos esto de [  ITespresso.es ], tocante a una “actualización” denomada WGA.

“Microsoft está acusada de haber descrito el programa como una “actualización altamente prioritaria”, sin ofrecer a los usuarios una explicación de lo que es el programa o lo que puede hacer en sus ordenadores. WGA tiene dos componentes, un programa de Notificaciones que identifica si la copia del sistema operativo es legal o no, y un componente de validación que recoge información de los ordenadores de los usuarios y los envía a Microsoft, diariamente.”

Podéis ver la noticia entera de esta “actualización” equí:

http://www.itespresso.es/es/news/2009/09/07/windows-genuine-advantage-a-juicio

…qué queréis que vos diga. Paez cosa de la GESTAPO  😉  Lo de dexar abierta la puerte de mio casa, pa qu’entren y m’abran la nevera, o que sepan aú guardo los gayumbos nun va conmigu. Allá vosotros y l’enfotu que ponéis en Winbug$.

La noticia xurde d’un empleáu que trabaya en Best Buy (La cadena más importante del mundiu, de la triba de MediaMarkt). Él diz que ta nun entrenamientu nomáu Microsoft ExpertZone, esto ye lo que-y deprende Micro$oft  (calca nes imáxenes pa veles en grande):

Vamos… si camienten que van engañanos… ya sabemos toos lo que son y como son los productos de Micro$oft, y con esti tipu de coses, confirmenlo dafechu.
¿GNU/Linux menos seguru que Windows??? ḥaḥaḥaḥaḥaḥaḥa ¡Voi mexame de tanto reíme!

Vía: Menéame.
La noticia xurdió equí.

Los qu’useis l’anovador, avísovos que lu desinstaleis, pa ello:

• Na terminal: sudo apt-get remove anovador
• En synaptic guetalu y desanicialu.

El motivu ye que primordialmente yera pa tener les tornes al día, y Firefox n’asturianu.
Angüañu Ubuntu ta anovando perbien l’asturianu, y tenemos ya tolos programes por defeutu n’asturianu, y más y meyor anovao que col anovador, polo cual encaboxase’l proyeutu.

Ye perimportante que lu desinstales 😉 Gracies.

El títulu intenta llamar la to atención.

Los chavales de FFmpeg, soliciten aida pidiendo que se-yos enllace p’aumentar el Pagerank de la so páxina denuncia.

Equí tienes una llista d’empreses que s’aprovechen del códigu llibre de manera ilicita.

La Free Software Foundation, una de les organizaciones más importantes del mundu na defensa del software llibre acaba d’echar andar la campaña Windows 7 sins a imaxe de la pernomada campaña BadVista

Los siete pecaos son:
1. Envenena la educación.
2. Invade la to privicidá.
3. Implanta un monopoliu.
4. Fuerza a actualizaciones costoses.
5. Estroza los estándares.
6. Refuerza los sistemes Xestores de Restricciones Dixitales (DRM).
7. Amenaza la seguridá del usuariu.

Visita la so web pa más información windows7sins.org

Esti ye l’aspeutu qu’amuesa agora la pantalla de login, en Karmic Koala. Magar que se decidió facer un sistema d’arranque en un tiempu mínimu, parece que van a desendolcar un módulu d’arranque minimalista denomáu Xsplash que faiga una animación suave a la entrada del sistema. Por supuestu, ésti ye un tema de los muchos que se pueden escoyer pal GDM, nun quier dicir que vaya ser l’oficial…. pero perehí van los tiros.

Pel momentu, esto ye lo qu’hai. A ver qué más nueves funcionalidaes nos trai Koala… 😀

P.D. Pa los curiosos, tenéis dalgunos nuevos temes equí , y cómo editar los tos propios GRUBS, equí

Yá nun ye la primer vegada que los xueces sancionen a Microsoft. (Dende Tapaponga nun dexamos d’entruganos porqué….)

Si Microsoft, fai xuegu llimpiu, el so márketing ye totalmente bonal, y nun roba códigu. ¿Entós porqué esto? Pues habrá qu’entruga-ylo al xuez que paez que lo tien bien claro, porque al paecer, Microsoft patenta coses que nun-y pertenecen. (Yá se demostró n’otres ocasiones qu’inclusu facía suyu códigu llibre) Y ye por eso, que au les dan, les tomen.

Déxovos un enllaz equí pa que vos enteréis bien de la noticia

Yo voi tomar una de sidre. ¿Pa festexalo? Vamos dexalo ehí…. 😉

Fai unos 10 díes Xuacu facía un llamáu pa participar nel Ubuntu Free Culture Showcase, onde s’escueyen les obres artísitiques que van distribuise nes copies d’Ubuntu de la so prosima versión (karmic koala). Que amás va ser la primera qu’incluya l’instalador n’asturianu… y más novedaes que por prudencia voi guardame…

El casu ye que Xera apurre un remix del so tema Valdescabres, esbilláu del so primer discu Lliendes, pa participar… a ver si hai suerte por que yera lo que nos faltaba a los asturianos p’acabar d’invadir Ubuntu… (esto si que ye un LoCo team activu) 😉

Personalmente quiero agradece-yos el esfuerzu de conseguir una remezcla que nun pasare del mega que piden nel concursu, y pola paciencia d’aguantame, más teniendo en cuenta que taben tocando per Italia…

Esta versión usa una llicencia Creative Commons by-sa 3.0 es

BAXAR VALDESCABRES (Ubuntu remix)

Recordaivos que podeis baxar tola música de Xera (Creative Commons) dende la so páxina web. Y tar atentos que tan a puntu d’asoleyar el so segundu discu Tierra…

Jono Bacon remémbranos nel so blogue que’l 16 de xunetu fina’l plazu pa participar na Amuesa de Cultura Llibre d’Ubuntu

La cosa consiste en facer una esbilla d’arte llibre nes categoríes de semeyes/imaxes, soníu y vidiu que va incluyise nel siguiente llanzamientu d’Ubuntu (9.10 o Karmic Koala). Almítense obres embaxo llicencies Creative Commons Attribution-ShareAlike, Attribution o, cuando’l remitente ye’l mesmu autor, obres con llicencia cero

La manera de participar ye xubir la obra a un agospiamientu d’Internet afayadizu y poner l’enllaz nel apartáu correspondiente de la wiki del concursu. Na mesma wiki pueden vese los ganadores d’anteriores llanzamientos. ¿Daquién s’anima a amosar l’arte asturianu del s. XXI?