Interesante artículu en The New York Times.

They champion the idea that software that can be freely altered by the masses can prove cheaper and better than proprietary code produced by stodgy corporations.

Ubuntu tien estos principios 🙂

Cada usuariu/a debe tener llibertá pa baxar, executar, copiar, distribuir, estudiar, compartir, camudar y meyorar el software pa cualisquier propósitu, ensín pagar drechos de llicencia.

Cada usuariu/a debe poder usar el software na so llingua.

Cada usuariu/a debe tener toles oportunidaes pa usar el software, incluso con una discapacidá.

Llibertá d’usu, con cualquisquier propósitu.
Llibertá d’adaptación.
Llibertá de copia.
Llibertá de meyora y espublización.

Una manera de poder medir popularidá ye mediante Google Trends.

N’esta web, Google danos estadístiques de les guetes, y ye perinteresante esta:

Ubuntu (la llinia azúl) supera a Windows Vista y el futuru “Vista versión 2” (osease Windows 7).

Tamién se nota cuando saca Ubuntu versión nueva cada 6 meses colos picotazos que lleguen a ser númberu 1.

Indicativu extrañu ye que la xente sigue usando un sistema operativu como’l XP que ya ta más qu’anticuáu, con 8 años nel mercáu, y parez que nun se farten de virus ya inestabilidá… *-)

La hestoria d’Internet meyor contada fasta agora 🙂

Perbon contraataque a les mentires del gobiernín estatal, cola campaña: Si yes llegal, comparte 😉

Entámose una votación na blogosfera n’asturianu pa votar al meyor blogue n’asturianu del 2008. Nuna perbona iniciativa pa facer comuña 😀

Les bases son:

• Sólo pues votar si tienes un blogue n’asturianu.
• Tienes que votar 3 blogues con 5, 3 y 2 puntos ensin votar el tuyu.
• El to votu tienes que mandalu al corréu trayasgaya@hotmail.com anantes del 31 de xineru del 2009.

Yo soi porque nosotros somos.

La Terminal tan temida pa dalgunos ye una fonte de potencial illimitáu.

Ún de los meyores exemplos ye la so versatilidá pa criar shell scripts.
Un Script pa Bash ye un ficheru de testu que contien comandos de Shell que pueden executar delles xeres.

Esto quier dicir, por exemplo, que si quies tornar automáticamente ún a ún los 50 ficheros d’un directoriu con un programa python, puedes facelo a mano, o usar un batch d’una sola llinia ¿Meyor esto último, non? 😉

Pa ello criamos un ficheru con Gedit (extensión .sh), y la primer llinia será esta:
#!/bin/bash

Esto invocará al nuestru interprete de batch.

Lluéu introducimos el procesu con comandos normales, instrucciones condicionales, bucles…
for i in $(ls *.po)
do
echo $i
python automatic_translator.py $i /home/user/Desktop/torna/pos/
done

Aunque parezca complicáu, nun lo ye para nada.
Realmente tamos diciendo lo siguiente:
for i in $(ls *.po)
do
...
done
Fae un bucle pa cada fila del comandu ls *.po y guárdala en i.

echo $i
Visualiza na Terminal el valor de actual de i (cada fila del comandu, ye dicir, cada ficheru *.po).

python automatic_translator.py $i /home/user/Desktop/torna/pos/
Esto ye’l comandu que quiero aplicar a tolos ficheros del direutoriu 😉
Puede ser cualisquier otra cosa, renomar, comprimir, mover…

Guardamos el ficheru y damos-y al script opciones d’autoexecutase na terminal nel direutoriu que te:
chmod u+x script.sh

Pa executalu, nel direutoriu nel que te dende la Terminal:
sh script.sh

Tal ye la potencia que esplicate más sería per llargo. Agora que te dexé cola miel nos llabios, puedes ver más comandos nestes webs:

http://doc.ubuntu-es.org/Script

http://www.ubuntu-es.org/index.php?q=node/48143

http://www.freeos.com/guides/lsst/

Y ye que cuanto más uses la Terminal, más te gustará 😉

Enterome por Atlantic Práu que la web oficial del Ministeriu d’Economía y Facienda español tranca l’accesu si’l restolador ta n’asturianu.

Investigando un poco, si camudamos la identificación que da’l restolador na so configuración na URL about:config a otra como como zh-TW (Chinu tradicional) o it-IT (Italianu) ¡furrula! entrando na web n’inglés.

Una vez entraos, arriba ponnos toles llingües oficiales d’España, onde podemos ver que debe tener una base de datos, na que si entra con FR entrará en francés, si entra con un ES esperará un identificador de les llingües oficiales n’España, y si non pondrá la web n’inglés por defeutu.

El problema ta en que parez que cuando tien un identificador de país ES, espera sólo un es, gl, ca o eu (español, gallegu, catalán, euskera respeutivamente).
Nel nuestru casu ye un ast, y en llugar de direicionar al inglés por nun reconocela, da un fallu:

dexándonos ensín poder entrar a la web, con un poco acertáu mensaxe de “Culture name ‘ast’ is not supported”, reiterando lo que toos sabemos… que’l gobiernín nun nos soporta xD

Ya ḥode que nun se pueda usar en dalgunes webs públiques restoladores que nun seyan IE, pero que nos den pol culo por usar una llingua non oficial nun restolador… ¡manda güevos!