Si vos pasa que nun anovamientu de software, Firefox vos apaez n’inglés y non n’asturianu, pue ser por delles razones (un fallu, un locale instaláu.. etc) pero nun tenéis qu’andar esperando a que Ubuntu vos unvie otra vegada los paquetes de llingua. Pa instalar el paquete de llingua, Mozilla permítenos instalar el ficheru manualmente. Namái hai que saber l’enllaz:

https://ftp.mozilla.org/pub/mozilla.org/firefox/releases/

LO PRIMERO Miráis la versión de Firefox que tenéis instalada. (En Help–>About Firefox) Nel mio casu, la 23.0 , y entráis na carpeta:

Depués, escoyéis el vuestru sistema operativu, nel mio casu linux-i686. (cuidaín, Linux-x86_64 ye pa 64 bits 😉 )

Agora, vais a una carpeta que tien el nome de XPI

Y ellí, pincháis sobre’l ficheru ast.xpi

Lo demás ye siguir los pasos:

Instaláis, reaniciáis Firefox, y pista. 😉

Esti artículu espublizóse'l 12 d'Agostu de 2013 a les 12 d'Agostu de 2013 y ta guardáu en Firefox, Trucos, Ubuntu.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.