El traductor Eslema, el primeru que torna testos al asturianu dende otros idiomes (español, inglés, francés, portugués, italianu, eusquera, gallegu y catalán) fizo 115.000 operaciones nos sos seis primeros meses d’existencia, dende que se presentare oficialmente a últimos del mes de febreru. Asina lo fizo saber nun comunicáu a Europa Press el Grupu Eslema de la Facultá de Filoloxía de la Universidá d’Uviéu, responsable del proyectu.

Esta ye una mui bona noticia pa la comunidá asturfalante. Dende qu’Eslema salió a la lluz, toos nos felicitamos por tan bona ferramienta, y paez que la cosa tien visos de dir a mayores, coles consiguientes facilidaes pa los usuarios.

TRADUCTOR DE GOOGLE N’ASTURIANU

“Pa potenciar la so funcionalidá, púnxose tamién la ferramienta a la ellaboración de materiales llingüísticos aplicables al desarrollu d’una asturiana del traductor Google, lo que va permitir la inclusión del asturianu nesti sistema de traducciones cruzaes ente más de 50 llingües.” [vía Europa Press]

Norabona!

Esti artículu espublizóse'l 26 de Setiembre de 2010 a les 26 de Setiembre de 2010 y ta guardáu en Noticies.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.