«
»

Avisu importante

Ayeri freshclam, l’anovador de les definiciones de virus de ClamAV descargó un ficheru nomáu daily.cvd 10938 que daba fallu de segmentación en toles versiones de ClamAV anteriores a la 0.96 nos sistemes de 32 bits.

En 15 minutos apaeció una nueva definición, daily.cvd 10939, qu’iguaba esti problema. Sicasí, hai una posibilidá de que nes versiones de 32 bits d’Ubuntu 9.10 y anteriores el serviciu clamd yá nun tea executándose.

Pa sabelo, nun Terminal executa el comandu darréu:
ps aux | grep clam
Y tienen d’apaecer unes llinies asemeyaes a estes:
xuacu@nuberu:~$ ps aux | grep clam
clamav 2662 0.0 0.1 11960 1028 ? Ss 01:31 0:00 /usr/bin/freshclam -d --quiet
clamav 4314 0.1 13.1 149688 134552 ? Ssl 01:50 0:05 /usr/sbin/clamd
xuacu 7757 0.0 0.0 4416 880 pts/0 S+ 03:13 0:00 grep --color=auto clam

Esto ye, una d’elles (la segunda, nesti casu) tien d’amosar que ta executándose /usr/sbin/clamd. Si nun ye asina, habrá que reaniciar el daemon cola orde darréu:
sudo /etc/init.d/clamav-daemon restart

Y más nada qu’el enllaz al avisu en versión orixinal:
http://lurker.clamav.net/message/20100507.110656.573e90d7.en.html

Esti artículu espublizóse'l 8 de Mayu de 2010 a les 8 de Mayu de 2010 y ta guardáu en Noticies.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

2 comentarios al rodiu de “Avisu importante”

  1. marquinos diz:
    8 de Mayu, 2010 - 17:02

    @Xuacu, Nun me presta un res cómo ta redactáu esti artículu, parez qu’heba d’usar antivirus pa Ubuntu.
    Nun taría de más recalcar que esi antivirus ye pa scanear y desaniciar los virus d’una partición de Windows 😉

    N’Ubuntu NUN hai virus. Si quies saber por qué, mira equí:
    http://blogs.altuxa.com/tapaponga/realida-de-los-virus-nubuntu.html

  2. Xuacu diz:
    8 de Mayu, 2010 - 18:59

    Non, nun digo que tenga d’usase un antivirus pa Ubuntu. Entá más, instalé clamd adrede pa copiar la salida del comandu 😉

    L’avisu (como diz el testu) ye pa los usuarios d’Ubuntu Karmic Koala y anteriores que, poles razones qu’ellos tengan, pudieran tener clamd executándose na so máquina. Si piensen que lo necesiten, tienen drechu a enterase de que tienen de reaniciar el daemon.

    Per otru llau, pruyíame tocar nun artículu l’asuntu d’executar y reaniciar los servicios nel entamu (daemons) y esti ye un exemplu afayadizu de cómo facelo }:)