«
»

GNU/Linux: Game over…

Esta ye una crítica a dalgunos “profesionales” que tan vendiendo ordenadores.

Ayer la mio prima llamomé, ya que diba mercar un portátil pequeñu. Recomende-y un netbook (l’Asus eee PC 4G, por 220€) ya que tien sobremesa y portátil normal, y pareció-y bona idega, tantu pol preciu como poles característiques.

Al ratu,  llamame alarmada dende la tienda porque’l vendedor d’una pequeña franquicia d’Uviéu nun-ylu recomendaba pa na. Testualmente: “Si pones el emule y messenger, con lo básico que es, no te dejará ni abrir una ventana del navegador…. es para comerciantes que necesitan mostrar catálogos….“.

Tranquilizola, y digo-y que les característiques son iguales al anterior ordenador que tuve yo de sobremesa. Quiero aclarar que yo tengo andao con 1/2 GB de RAM nun procesador a 800Mhz, y tiraba absolutamente too y muncho meyor que con Windows XP, a pesar de lo axustao del harware.

Güei va a una gran superficie de pelis, música y teunoloxía de Parque Principáu a mercalu. Onde “l’espertu” vendedor-y diz que nun lleva la OpenOffice, y acaba empaquetando-y l’Asus eee PC con Windows XP por 50€ más.

Apesadumbrame lo complicao que ye lliberar al mundiu del software privativu, si yendo dalguién a mercar esplicitamente un ordenador con GNU/Linux, los ineptos vendedores faen que recule pa que gaste más perres, dende la so esperta ignorancia.
Muncho más, cuando va a mercase un netbook de calidá contrastada ente verdaderos profesionales.

Esta ye una batalla complicada de ganar, mientres los grandes fabricantes y los vendedores tengan tantu poder, seguiremos nes mesmes 🙁

Obviamente, tamién conocí vendedores profesionales pa quitase’l sombreru, pero hai cada un perehí que… -voy callame meyor- :@

Esti artículu espublizóse'l 26 de Setiembre de 2008 a les 26 de Setiembre de 2008 y ta guardáu en Noticies. Etiquetes: .
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

3 comentarios al rodiu de “GNU/Linux: Game over…”

  1. Capitán Alimerca diz:
    27 de Setiembre, 2008 - 00:36

    Casualmente voi contestar dende un eee 701 (si ye agora, hubiere compráu un 900, pero diome la febre de la que saliera, y a los dos díes que taba de venta equi merquélu na megatienda esa del tuntu que tien orgasmos). La cosa ye que, o vas coles idees clares de que quies le gnu/linux, o sales d’ellí con puxarra a cincuenta euros. Yo fui darréu pol eee col Xandros (agora ta acabante d’estrenar Xubuntu y va como un tiru) y nun quixe más. La mierda del Xp vien pelada, y llueu tienen d’instalar ofice y tolo que quiere (y con un GB llibre namás). La cosa ye que, poquin y a pocu, la xente va pillando-y el puntu a GNU/Linux y miren más por nun tirar les perres. Yo toi esperando por ver lo que fizo un colega del curru, que tien window$ en casa y nun vio linux na vida. Taba pa mercar el Acer aspire One (yo encamenté-y con ganes la versión Linpus… pero nun se que fadría al fin)

  2. marquinos diz:
    27 de Setiembre, 2008 - 08:49

    Finalmente la mio prima nun abrió el embalaxe. Encamente-y devolvelu, y camudolu pol ASUS con GNU/Linux 😀
    Dicir qu’aguanta abondes aplicaciones abiertes, y lleva la OpenOffice preistalada.
    Por cierto, ta acostumbrada tola so vida a Windows XP, a la hora d’andar col ASUS eee PC, llamome entusiasmada, diciendo testualmente “que pasada de ordenador” 😀

    Yo sinceramente toi esperando pol DELL, que va sacar unos 2 meses anantes (¿Dalguién puede esplicame eso?) el so Netbook con Windows XP por 400€ y llueu por 315€ colo ansiado: la primer versión d’Ubuntu Netbook preistalada 😀

  3. Astur diz:
    27 de Setiembre, 2008 - 16:32

    Un collaciu míu d’oficina, un francés de culu inquietu, xD, dempués de prebar tolos sistemes operativos que-y punxeron per delantre, acabó col “Ubuntu Eee 8.04” pal so Asus Eee PC. Y agora ta lleu de la vida xD