Configurar Telecable pa Evolution. Configuración de puertos
Fae poco Telecable camudó los puertos polos que recibir/unviar l’email.
Nun ye problema pal serviciu técnicu echate un gabitu si uses aplicaciones populares como Outlook o Thunderbird (¡estí caberu ye la bomba! 😉 A dicir verdá tocome una pedante a lo primero, pero llueu pasome col serviciu técnicu, y nunca m’atendieron tan bien 😀 Ni cuestionó’l chaval si tenía Ubuntu o si usaba un cliente d’email poco conocíu.
Pero cuando uses Ubuntu y el so cliente d’email Evolution… ehí complicase un poco.
Evolution nun tien onde especificar los puertos polos que recibir el correu, polo que hai que xunta-ylos al final del servidor del mou:
Servidor POP: mail.telecable.es:995
Servidor SMTP: mail.telecable.es:465 (Si nun te furrula, prueba con 587).
Tamién hai que camudar la seguridá a SSL.
Dexovos unes captures de la configuración completa dende’l menu Editar/Preferencies/Cuentes/Editar d’Evolution 😉
2 de Xineru, 2010 - 01:16
Toi jodiu
Instalé, pa probalu, UBUNTU 9.10 karmic koala (y si me gusta mandar a t-p-c- Windows), pero lo de internet no me funciona na.
Soy sociu de TELECABLE .
Mariconee por los menus y vi lo siguiente:
CONEXIONES DE RED: cableada – Auto eth9, dirección MAC 00:00:6C:18:DF y MTV automático.
En PROXY para HTTP lo único que aparez ye puertu 8080.
Tengo instalau un Modem de TELECABLE.
¿Podéis dame alguna pista?.
Saludus
2 de Xineru, 2010 - 02:30
¿Puedes dar más datos? ¿tienes router ente’l cable modem y el pc? ¿telecable usa proxy?
2 de Xineru, 2010 - 02:40
Yo veo enforma sospechoso que na conexón de rede apaeza eth9…
Si nun tienes otres 9 tarxetes ethernet (o coses rares), la conexón habría ser con eth0.
2 de Xineru, 2010 - 10:58
Yo uso Telecable y nun teo problema dalgún, nun tien proxy y furrula por DHCP que ye la configuración por defeutu. Pamidea ye la tarxeta de rede del ordenador la que nun furrula. ¿Pues danos datos sobre l’equipu que tienes?
11 de Xineru, 2010 - 23:07
Gracies por contestame. Nun pude sentame hasta hoy mél ordenador pa retomar esti asuntu..
El equipu ye el siguiente:
Placa base ASRock AM2NF6G-VSTA; Procesador, Socket de AM2; chipset NVIDIA NF-6100-405.
¿Será que esti orfenador nun val pa Linux?.
Gracies
11 de Xineru, 2010 - 23:16
Estmau Xineru
La tarjeta del ordenador ta integrá en la placa base y con Windows furrula bien. En la placa base del ordenador creo que ta integráu un router, pero telecable nun lu usa, ya que la so conexión va directamente a una conexión del ordenador que nun ye la del router. Telecable pusome un modem en la paré y yo nun tengo n.p.i de si tien o no proxy. ¿Qué ye eso?.
Gracies una vez más.
12 de Xineru, 2010 - 00:34
Polo que yo atalanto, lo que quies dicir ye que tienes l’ordenador coneutáu con una conexón ethernet (cable con conexón paecida a la d’un teléfonu) direutamente al cablemodem de Telecable. Esta triba de conexón enxamás me dio problemes…
Si t’atreves cola llinia de comandos, abre un terminal (Aplicaciones->Accesorios->Terminal) y escribe la orde ifconfig
Lluéu marca el testu que te apaeza y apégalu equí. Como información, la orde “ifconfig” val pa configurar les interfaces de conexón a la rede o pa ver la información de les interfaces esistentes (que ye’l casu)
Por curiosidá, lo que llames router ¿nun sedrá la conexón WiFi? Ye que nun me suena qu’esistan routers integraos na placa…
Lo del proxy vamos dexalo de momentu pa más alantre.
12 de Xineru, 2010 - 22:17
Esti ye el resultau de la consulta
enrique@enrique-desktop:~$ ifconfig
eth20 Link encap:Ethernet direcciónHW 00:00:6c:f8:04:a8
Dirección inet6: fe80::200:6cff:fef8:4a8/64 Alcance:Enlace
ACTIVO DIFUSIÓN FUNCIONANDO MULTICAST MTU:1500 Métrica:1
Paquetes RX:6 errores:0 perdidos:0 overruns:0 frame:0
Paquetes TX:11 errores:0 perdidos:0 overruns:0 carrier:0
colisiones:0 long.colaTX:1000
Bytes RX:360 (360.0 B) TX bytes:2222 (2.2 KB)
Interrupción:27 Dirección base: 0x2000
lo Link encap:Bucle local
Direc. inet:127.0.0.1 Másc:255.0.0.0
Dirección inet6: ::1/128 Alcance:Anfitrión
ACTIVO LOOPBACK FUNCIONANDO MTU:16436 Métrica:1
Paquetes RX:0 errores:0 perdidos:0 overruns:0 frame:0
Paquetes TX:0 errores:0 perdidos:0 overruns:0 carrier:0
colisiones:0 long.colaTX:0
Bytes RX:0 (0.0 B) TX bytes:0 (0.0 B)
enrique@enrique-desktop:~$ ^C
enrique@enrique-desktop:~$
Aunque nun entiendu casi na de informatica, capisco algo raro que me fiede mal en esi reportaje. Ye que parle de ethernet cuando la conexión de Telecable ye moden.