Nos últimos meses dalgunos gobiernos europeos, ente ellos el d’España y especialmente Francia, tan xugando cola posibilidá de desconeutar d’internet a los usuarios de redes p2p.

Vamos que pretenden prohibite el usu d’una teunoloxía porque sí. Porque, pal que nun lo sepa, a parte de que nun tool mundu usa p2p pa baxar películes o música, ye completamente llegal siempres que nun saques probechu económicu.

Podíemos tar hores falando de porque se quexen cineastes que nun tienen pelicules na mula o el torrent pero bono, esi ye otru tema…

El casu ye que’l Software Llibre úfrenos otra vuelta más la lliberta teunolóxica tan necesaria anguaño, y yá disponemos del primer cliente pa Torrent que fai tresmisiones anónimes gracies a la encriptación de les conexones. Ye BitBlinder, inda ye una beta, pero yá disponen d’un deb pa Debian y Ubuntu (anque si prefieres compilar códigu ye cosa tuya…)

Esti artículu espublizóse'l 15 de Xunu de 2009 a les 15 de Xunu de 2009 y ta guardáu en Programes. Etiquetes: $GA€, anónimu, encriptación, internet, p2p, privacidá, torrent.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.