Anovando de versión el nuesu sistema.

UBUNTU FÁCIL

Yá ta cerca el llanzamientu de Ubuntu Jaunty Jackalope 9.04. Pa toos aquellos que queráis pasar a la nueva versión, póngovos equí los pasos a siguir. Enantes d’entamar, nun taría de más recordavos que siempre ye aconseyable que tolos documentos importantes que podáis tener, los atroxéis en sitiu seguru. Normalmente, con copiar la nuesa Carpeta Personal y les sos subcarpetes, yá lo tendríemos fecho. Otres coses a facer:

• Compreba que tienes toles actualizaciones descargaes y aplicaes a Ubuntu 8.04 LTS ó 8.10 enantes d’anovar.
• Si tienes una versión d’Ubuntu anterior a Ubuntu 8.04 LTS, por favor, llee Installation/UpgradeFromOldVersion pa saber cómo facelo.

PRIMER MÉTODU: Anovar dende la Rede con 8.04 ó 8.10 (Mou recomendáu)

Lo meyor ye anovar el to sistema dende la rede. Obviamente, namás necesites tener conexón a internet. Podrás facelo cenciellamente namás siguiendo estos pasos.

• Sólo pa usuarios con Ubuntu 8.04, diremos a: Sistema / Alministración / Oríxenes del Software

• Agora calcamos na llingüeta de “Actualizaciones” y camudamos “Namái ediciones con sofitu de llarga duración” a “Ediciones normales“.

Lo que acabamos de facer, ye decí-y al sistema que nos avise de les Nueves “versiones normales”. Por defeutu, Ubuntu 8.04 LTS nun ufre la opción d’anovar direutamente a 9.04.  Esto ye porque la versión 8.04 LTS ye una Long Term Support release, mientres que 9.04 ye una versión regular

• Pa Ubuntu 8.04  y  8.10. Vamos a: Sistema / Alministración / Xestor d’actualizaciones
  

• Calca nel botón Comprobar.

• Si hai paquetes d’actualización p’anovar el sistema, usa’l botón d’Instalar actualizaciones p’anovar los nuevos paquetes, y dempués d’instalaos, calca otra vegada en “Comprobar“
• Aparecerá un mensax informando de la disponibilidá de la nueva versión

• Calca en Actualizar. …y sigui les instrucciones de la pantalla.

SEGUNDU MÉTODU: Anovar el sistema usando el Alternate CD/DVD

Usa ésti métodu si’l sistema a anovar nun va a tar coneutáu a Internet nel intre de la instalación.

• Consigui el alternate installation CD dende equí

• Quema’l ficheru ISO nún CD ya inxértalu nel CD-ROM del PC a anovar.
• (Trucu:) Si metes el ficheru ISO nel PC que vas a anovar, (por exemplu, nel Escritoriu) puedes aforrate un CD montando el ISO como un discu col comandu:

sudo mount -o loop /home/el_to_nome_d'usuariu/Escritoriu/ubuntu-8.10-alternate-i386.iso /media/cdrom0

• Aparecerá un diálogu ufriéndote la oportunidá d’anovar usando ésti CD.

• Sigui les instrucciones.

• Si nun apareciese’l diálogu por cualesquier razón, calca Alt+F2 y escribe:

gksu "sh /cdrom/cdromupgrade"

A esfrutar cola nueva versión!!! ;D

Esti artículu espublizóse'l 23 d'Abril de 2009 a les 23 d'Abril de 2009 y ta guardáu en Ensin clasificar. Etiquetes: actualizar, versión.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

4 comentarios al rodiu de “Anovando de versión el nuesu sistema.”

1. Les captures diz:
   24 de Abril, 2009 - 08:10

   Vamos ver…si tais siempre presumiendo del asturianu; como ye que poneis eses captures en ingles? Tais fatal.

2. marquinos diz:
   24 de Abril, 2009 - 08:31

   Hola.
   1º. No presumimos de nada 😉
   2º. La torna ye d’una web dende l’inglés. Ye trabayu abondo guetar les mesmes imáxenes nel sistema. Y sinceramente s’entiende perfeutamente n’inglés ¿non?
   3º. We haven’t got any problem with others languages 🙂 And you?
   4º. En llugar d’agradecer la torna (que ye tiempu abondo y esfuerzu altruista d’Astur) ¿nun tienes más que pallabres criticando? ¡Mui guapo ho! La prósima vegada lleeslo n’inglés, coles captures n’inglés, of course! :$ Equí: http://www.ubuntu.com/getubuntu/upgrading

   Ya con esto alón, Mr. Troll!

3. Astur diz:
   24 de Abril, 2009 - 11:47

   Paz y amor… 😀

   La verdá ye que pa mí yera más cenciello copiar y pegar el testu esplicativu n’inglés…. (nun me hubiese tirao un par de hores faciendo el post), pero como nesti blog NAMÁS usamos llingua asturiana, pues tuve que ponelo n’asturianu (fice mal?). Les semeyes tán n’inglés, sí, pero home, tuve el precuru de ponévos los pasos n’asturianu. Si mires pa les semeyes, ye namás fixate nos iconos… nun ye difícil. Mil perdones… pero nun ye pa tanto. Son más graves otres coses, como tar nel movimientu pro-llingua y usar Windows en Castellán. Nun va por tí “Les Captures”, sinón pol restu de la xente en xeneral 😀

   Tómome la crítica como constructiva. Intentaré igualo en cuantes pueda, pero ye complicao, porque pa sacar eses semeyes n’asturianu, tendré que desactualizar el mio sistema, ya volver a facelo dende cero… 🙁

4. Astur diz:
   24 de Abril, 2009 - 13:11

   Yá tán les semeyes como tienen que tar. Ciertamente hai que predicar col exemplu. (A ver si toos tomamos nota, y, predicando col exemplu, vamos poniendo los nuesos operativos en llingua asturiana)