Toi acabante de pedir 20 cds d’Ubuntu intrepid pa repartir entre los Softasturianos (guapu pallabru) y toles persones interesaes en probar/instalar Ubuntu que me queden cerca… Y ye que ya puedes encargar los cds gratuitos en https://shipit.ubuntu.com/ tarden bastante, polo que igual te compensa baxalo d’internet dientru 10 díes.

Cola llegada del quintu aniversariu de Softastur, el grupu de traductores d’Ubuntu al asturianu entama la primer “Install Party” de software n’asturianu…

Ubuntízate en Candás

Quiciabes dalgunos yá sabeis qué ye Ubuntu, o seique non.

Ubuntu ye GNU/Linux.

-“Uii, qué miéu, eso ye enforma difícil. Yo nun sé programar…”

Si pensaste n’eso enquivóqueste. GNU/Linux yera abegoso ENANTES. ¿Programar? Yo tampoco sé programar n’otros sistemes operativos, y enxamás me fexo falta. Ubuntu ye cenciellu. Y seguru. Escaézte
de virus, troyanos y demás. Arriendes ye llibre. Naide te ata, (y ta disponible en Llingua Asturiana)

Si te decides pero nun t’atreves a instalalu, pa eso tamos: p’aidate.

Trai el to portátil (o si quies cargar, el to equipu d’escritoriu) al Centru Polivalente La Baragaña de Candás el 7 de Payares a les 17:00, (reserva 10Gb-12Gb llibres pa la instalación) y nosotros amosámostelu y/o instalámostelu. Tendrán prioridá los que vayan a instalalo, darréu que namái hai 10 plazes.

Esta actividá fáise gracies a la collaboración del Centru Polivalente de Candás, Carreño. Y por supuestu, ye de baldre.

Unvía un corréu a:
ubuntizate

indicando el to nome y apellíos
corréu electrónicu
una breve descripción del to equipu
y preferencia de llingua d’instalación (castellanu/asturianu)

La instalación puede facese nuna nueva partición. Poro, nun tienes que desaniciar nin renunciar al sistema operativu que tienes agora. Puen convivir los dos (o tres) perfeutamente.

L’Academia de la Llingua asoleya un cartafueyu pa normalizar la complicada terminoloxía d’Internet ya informática 😉

Milenta gracies pol esfuerzu amosáu 🙂 Esta ye una perbona noticia 😀 y pernecesaria pa nos, y l’equipu de torna d’Ubuntu en Softastur.

Si quies asistir a la presentación: Mañana 14 Ochobre, a les 12 la mañana nel hotel uvieín Principado.

Llegó la esperadísima versión 3 de la suite OpenOffice 😀

Tal espectativa, fizo caer los servidores col despertar de los Estaos Xuníos.

Si tienes Ubuntu, el mio conseyu ye qu’esperes a que lo incluyan nos repositorios oficiales (sedrá cuestión de 2/3 díes) 😉

Les principales equí 😉

A falta de unos 20 díes p’asoleyar la nueva versión Intrepid Ibex, aparecen dos prestosos fondos d’escritoriu 😀 El primeru oficial, y el segundu de la comunidá. Calca n’ellos pa velos más grandes 😉

Pa poder llamar a fixos de 1/2 mundiu a traves del protócolu zarráu de VoipBuster con Ubuntu, viennos preistalao Ekiga.
Pero tenemos un másimu de tiempu pa llamar a teléfonos fixos, y la calidá a vegaes nun ye tolo bona qu’esperamos.

Lo meyor ye llamar ente ordenadores, a traves del protócolu abiertu SIP, usando Ekiga, onde nun vamos tener llímite de tiempu y la calidá ye perbona.

Pa los que teis avezaos a Windows, Ekiga xunto al protócolu SIP,  nun tienen na qu’envidiar a Skype 😉

Pa configuralo, en llugar de crear una cuenta pa VoipBuster, creamosla nel protócolu abiertu SIP.
Pa ello, damonos d’alta n’Ekiga.

Nun tiempu llegará al nuestru email la confirmación d’alta 😉

Ya cola cuenta creada, executamos Ekiga, configurandola col usuariu y clave que pusimos anantes 🙂

Pa que nos llamen, tien que ser al nuestru usuariu, poniendo enrriba: sip:usuariu@ekiga.net

Asina de fácil 😀

Un grupu de hackers, activistes y músicos asoleyen esta canción fecha con ferramientes llibres: ¡No al canón!

A facela la canción del prósimu branu, cagon ros 😉

Ayer alquilé una película nun videoclub (Facía años que nun alquilaba).
Nun fuí a reproducila nel ordenador de sobremesa ni nel portátil ¿?
Descambié’l DVD por otru igual, y ¡tampoco furruló! ¿¿??
Pero nel reproductor de DVD d’un amigu sí, a la primera… ¿¿¿??? ¿Cuala fué la introdución del DVD? Sí, un anunciu antipiratería ¿Casualidá? :O Pamidea que non.
¿Sabeis si agora los DVD van capaos pa reproducise nun ordenador pa evitar piratealos? Sinceramente poco ganen poniendo más trabes,  ya que ye’l mio únicu mediu propiu de ver películes, y nunca más alquilaré un DVD pa malgastar 2€.

Per otru lláu, molestame asgaya que se nos traten como delincuentes por descargar de la rede. ¿Ye tu pa/ma un delincuente? ¿Ye’l to amigu un delincuente? ¿Ye’l to vecín un delincuente?
¡La rempuesta ye NON! Según la llei, onde se recueye que si non hai animu de llucro nun ye delito.

¿Por qué nos bombardeen entos nuna película, acosandome y acosando a los mios, como delincuentes?

Dexovos un cachín de la perbona serie inglesa The It Crowd, onde se plasma perbien lo malvados que somos toos (menos esi 0.01% ente SGAE y políticos):

https://www.youtube.com/watch?v=-8cniOcAbDU

Saber pa qué s’usa cada directoriu de GNU/Linux ye importante, cobrando sentíu l’entramáu de les carpetes 😉

Pa poder ver/controlar otru ordenador, la manera más cenciella ye dende’l Terminal Server Client, pero’l protocolu VNC nun aparez.

Pa habilitalu istales esti paquete 😉

sudo apt-get install xvnc4viewer